Бер-береңә ышаныч арттыру буенча тренинг

Иске Зәйнең Яшьләр үзәге базасында "Шатлык" халыкка социаль хезмәт күрсәтү комплекслы үзәге белгечләре тарафыннан үзәк карамагындагы 10 ата - ана өчен тренинг үткәрелде. Әлеге чараның максаты һәм бурычлары: үзара мөнәсәбәтләрдә гармониягә ирешү, катнашучыларны берләштерү һәм кәефләрен яхшырту. Тренинг барышында ата-аналар "Төркем рәсеме" ясауда катнаштылар, үз хисләрен башкаларга җиткерергә өйрәнделәр, төрле персонажлар роленә керделәр. Психологик күнегүләр ярдәмендә тренингта катнашучылар үзләрен һәм башкаларны яхшырак аңларга, үзләренең көчле һәм көчсез якларын күрергә, шулай ук бер-берсенә ышанырга өйрәнделәр. Тирә-юньдәгеләргә ышаныч хисе - катлаулы процесс. Җәмгыятьтә ышанычсыз яшәү мөмкин түгел. Кайбер хәлләрдә, үзеңнән тыш, барыбер башка кешеләргә ышанырга туры килә. Кешеләргә ышанырга һәм аларга үз ышанычыңны күрсәтә белергә өйрәнергә кирәк. Тренингта катнашучылар шуңа инандылар.