Район башлыгы Разиф Кәримов шәһәр белем бирү учреждениеләрендә булды

Бүген район башлыгы Р. Г. Кәримов, Зәй муниципаль районы Советы Аппараты җитәкчесе Л. Г. Ананьева, Башкарма комитет җитәкчесенең социаль мәсьәләләр буенча урынбасары А. В. Чапков, Мәгариф идарәсе башлыгы вазыйфаларын башкаручы Н.А. Алчина белем бирү учреждениеләрен карап чыктылар. Район башлыгы шәһәрнең 2нче урта мәктәбендә, «Шатлык» балалар бакчасында һәм Зәй политехника көллиятендә булды. 2 нче мәктәп 1962 елда төзелгән, 2005 елда тулы ремонт үткәрелгән. Мәктәп башлангыч гомуми, төп гомуми һәм 2019-2020 уку елыннан урта гомуми федераль дәүләт гомуми белем бирү стандартларын кертү буенча эксперименталь мәйданчык булып тора; Яр Чаллы педагогика инситуты базасының региональ инновацион мәйданчыгында: «Сәләтле балаларга һәм яшьләргә ярдәм чаралары: практик гамәлгә ашыру тәҗрибәсе»; «Фән диагностикасы нигезендә 2-8 сыйныф укучыларының яңа белем бирү нәтиҗәләренә мониторинг» темалары буенча катнашучы булып тора. Мәктәп директоры вазыйфаларын башкаручы Р.К. Галимова мәктәп территориясендә иске агачларны кисәргә, киләсе беренче сыйныф укучыларының бер өлешен яңа парталар белән тәэмин итәргә кирәклеген билгеләде һәм башка мәктәп проблемаларына игътибар итте. Икенче тукталыш «Шатлык» балалар бакчасында булды. Кунакларны балалар бакчасының мөдире һәм, милли киемнәргә киенеп, тәрбияләнүче балалар шигырьләр белән каршы алдылар. Е. М. Уразайкина, физик культура инструкторы, балалар белән флешмоб күрсәтте. Район башлыгы балалар бакчасы территориясе буенча узды, балалар лабораториясе кабинетында мультстудия эшен карады. Татар теле, чит тел дәресләрендә, музыка залында, азык-төлек блогында булды. Р. Кәримов, балалар бакчасы территориясе төрле агачлар һәм куакларга бай дип, билгеләп үтте. Киләсе сәфәр Зәй политехника көллиятендә узды. Көллияттә 24 уку кабинеты һәм лаборатория бар. Көллият территориясендә, биналардан тыш, минифутбол кыры, волейбол мәйданчыгы, ату урыны, автомобильләр, тракторлар һәм үзйөрешле машиналар йөртү буенча башлангыч күнекмәләр булдыру мәйданчыгы бар. Тикшерү барышында ремонт эшләрен югары көчәнеш астында башкаручы белгечләр әзерләү буенча ресурс үзәгендә булдылар. Уку-укыту үзәге директоры А.И. Галимов остаханәләр, уку кабинетларын, тулай торакны күрсәтте.