«Алтынчәч» балалар бакчасында балаларга экологик тәрбия бирү – игътибар үзәгендә

«Алтынчәч» балалар бакчасында балаларга экологик тәрбия бирү – игътибар үзәгендә. Экологик тәрбия – ул балаларда табигатьне саклау, яклау культура алымнарын булдыру буенча системалы педагогик эшчәнлек. Атна дәвамында биредә балаларның яшь үзенчәлегеннән чыгып төрле чаралар уздырылды. Икенче кечкенәләр “Б” төркеме тәрбиячесе Зарипова Л.Я. җитәкчелегендә “Ел әйләнә –яшелчә бакчасы” утырттылар. Балалар чәчәкләр чәчтеләр һәм кыякка яшел суган “төртеп куйдылар”. Бакчаны даими сулап тордылар. Атна ахырына чүлмәкләрдә чәчәк үсентеләре һәм яшел суган кыяклары белән сөендерде.Зурлар һәм мәктәпкә әзерлек төркеме балалары “Урман утырту көне” республика акциясендә катнашты. Тәрбияче Токранова В.Н. белән бакча биләмәсендә агачлар утырттылар.