Габдулла Тукайның тууына 133 ел тулуга

Бүген Т.Ялчыгол исемендәге скверда бөек шагыйребез Г.Тукайның тууына 133 ел тулуга багышланган чара узды. Бәйрәмне алып баручылар Әхмәтова Р.В. һәм Камалеева А.Р. шагыйрьнең тормыш юлы һәм иҗаты турында мәгълумат бирде. “Тату гаилә” һәм “Кыңгырау чәчәк” балалар бакчасында тәрбияләнүчеләр Г.Тукайның “Шүрәле”, “Бала белән күбәләк”,”Су анасы” һ.б. шигырьләреннән өзекләр сөйләделәр. Тәслимә һәм Фәннүр Миннекәевләрнең “Бәйрәм бүген”,”Пар ат”, “Туган авылым” җырлары һәркемнең күңеленә хуш килде.