Зәй районында агропромышленность комплекслары арасында 2019 елгы язгы кыр эшләрен уздыруга әзерлек буенча конкурска йомгак ясалды

Конкурсның төп максаты – авыл хуҗалыгы товар җитештерүчеләренең кызыксынучанлыгын арттыру, авыл хуҗалыгы продукциясен җитештерүне арттыруда югары нәтиҗәләргә ирешү һәм технологик процессларны оптималь срокларда үтәү. Конкурста мөмкин булган 40 баллдан, 40 баллны «Чыбыклы " җитештерү комплексы җыйды. II урын - 39,5 балл белән «Нива " ҖЧҖендә. Трактор парклары әзер, техник карау 100% ка башкарылган, механизаторлар махсус кием-салым, аптечка һәм ут сүндергечләр белән тәэмин ителгән. Иң мөһиме, техника технология буенча куелган. III урын 39 балл белән - «Аксар " җитештерү комплексында. Бу хуҗалыкта башкаларныкы кебек үк, трактор паркы шулай ук яхшы дәрәҗәдә әзерләнгән. 2019 елгы язгы кыр эшләрендә төрле маркадагы 290 трактор, шул исәптән югары җитештерүчәнлекле энергия белән тәэмин ителгән 54 трактор катнашачак. Барлык тракторлар да тәүлек буе эшләүне оештыру өчен ике тәҗрибәле механизатор белән тәэмин ителгән. Язгы кыр эшләрендә 500гә якын механизатор катнашачак. Чәчү эшләрендә 88 чәчкеч агрегаты, 15 чәчү комплексы, 145 тырмалау агрегаты, 89 культиватор һәм 28 катнаш агрегат җәлеп ителәчәк.