Тикшерүләр үтә

Чәршәмбе көнне хакимиятнең зур залында әлеге җәһәттән ТР буенча дәүләт автомобиль юлы күзәтчелеге идарәсе башлыгы, баш дәүләт инспекторы Борис Смирнов, Кама аръягы автотранспорт, автоюл күзәтү бүлеге башлыгы Анатолий Жаренков, шәһәр башлыгы урынбасары Марсель Хуҗин, башкарма комитет җитәкчесе Альберт Газизҗанов катнашында киңәшмә узды. Аңа шәһәр юл хезмәте, юл хәрәкәте иминлеге дәүләт инспекциясе, авыл хуҗалыгы идарәсе хезмәткәрләре, мәгариф һәм спорт идарәләре башлыклары, такси фирмасы җитәкчеләре, массакүләм мәгълүмат чаралары вәкилләре чакырылды.

Киңәшмәне Альберт Газизҗанов алып барды. Борис Смирнов чыгышында тикшерүләрнең максаты, тикшерүләрдә аеруча мәктәп автобусларына игътибар зур булачагы турында бәян итте. Киңәшмәдә катнашучыларның фикер-тәкъдимнәре тыңланды.