Зәй шәһәрендә Яшь укытучылар форумы узды

Зәй муниципаль районы «Балалар иҗаты йорты»нда белем оешмалары яшь укытучыларының һөнәри үсеш һәм остазлык эшчәнлегенең актуаль мәсьәләләренә багышланган Яшь педагоглар форумы узды. Форумда катнашучыларны Зәй муниципаль районы Башкарма комитеты җитәкчесе урынбасары Александр Владимирович Чапков, мәгариф идарәсе җитәкчесе вазыйфаларын башкаручы Наталья Александровна Алчина сәламләде. Эксперт, мәгариф идарәсенең мәгълүмати һәм укыту-методиканы тәэмин итү бүлеге җитәкчесе Миләүшә Камил кызы Вәлиәхмәтова катнашучыларны педагогның һөнәри стандарт таләпләре белән таныштырды. Очрашуда катнашучылар заманча укытучыга һөнәри һәм шәхси таләпләр исемлеген карадылар. Хезмәт хакын яңача түләү системасы турында мәгариф идарәсенең план-икътисад бүлеге башлыгы Гөлнара Мисхәт кызы Җиһаншина чыгыш ясады. Мәгариф идарәсенең психологик-педагогик хезмәт җитәкчесе Любовь Александровна Никифорова «Эмоциональ януны киметү өчен психотехник алымнар» дип исемләнгән психологик тренинг үткәрде. «Укытучы-остаз» номинациясе буенча грант ияләре: Светлана Владимировна Юрченко, 3 нче мәктәпнең информатика укытучысы; Әлфия Шәрәфетдин кызы Нәҗмиева, 2 нче мәктәпнең информатика укытучысы; Юрок Елена Викторовна, 2 нче мәктәпнең технология укытучысы; «Сүз болытын булдыру»; «Менталь карталар булдыру»; «Уен планшеты» темалары буенча мастер-класслар үткәрделәр. 2 нче мәктәпнең тәрбия эшләре буенча директор урынбасары Наталья Владимировна Иванова, сыйныф җитәкчесе һәм ата-аналар комитеты рәисе Рушания Риф кызы Забурдаева быел “Тату сыйныф серләре” республика конкурсында катнашып, мәктәпнең тәрбия эше системасын булдыру тәҗрибәсе белән уртаклаштылар. Гаилә һәм сыйныф арасындагы хезмәттәшлек, проблемалар һәм аларны чишү юллары турында сөйләштеләр. Эш нәтиҗәләре буенча Яшь педагоглар форумына катнашучылар сертификат белән бүләкләнде.