Зәйдә шәһәр Советы утырышы узды
Бүген хакимиятнең зур залында Зәй муниципаль районы башлыгы Р.Г.Кәримов катнашында өченче чакырылыш Зәй шәһәре Советының утыз бишенче утырышы узды. Көн тәртибенә 2 мәсьәлә кертелгән иде: Зәй шәһәре Советының 2018 елның 3 декабрендә кабул ителгән 133 номерлы «Зәй муниципаль районының 2019 елга, 2020 һәм 2021 еллар план чорына бюджеты турында» һәм "Татарстан Республикасы Зәй муниципаль районының Зәй шәһәре транспорт инфраструктурасын комплекслы үстерү программасын раслау турында» карарына үзгәрешләр кертү турында мәсьәләләр каралды. Докладлар белән районның финанс - бюджет палатасы рәисе П.А.Байрашев, Зәй шәһәре Башкарма комитеты җитәкчесе С. В. Максимов чыгыш ясады. Депутатлар көн тәртибендәге барлык мәсьәләләр буенча тиешле карарлар кабул иттеләр.