Зәй татар гимназиясе коллективы “Театр илендә” фестивалендә

12 нче февраль көнне “Энергетик” мәдәният йортында “Театр илендә” дип исемләнгән шәһәр күләмендә узучы фестиваль кысаларында “Р.Ш.Фәрдиев исемендәге татар гимназиясе” коллективы Г.Камалның “ Беренче театр” комедиясенә нигезләнеп эшләнгән җырлы-биюле чыгышын тәкъдим итте. Концерт-тамаша гөрләп үтте. Гимназия коллективы әлеге фестивальдә ныклы әзерлек белән катнашты.Төрле юнәлештә үрелеп барган чыгышлары белән тамашачылар күңелен яулап алды һәвәскәр артистлар, рәхмәт хисләре озакка сузылган көчле алкышларда чагылды.