Зәйдә «Ел хатын-кызы. Ел ир аты: хатын кыз карашы» республика конкурсы үтте

8 февраль көнне "Энергетик» мәдәният сараенда «Ел хатын-кызы. Ел ир-аты: хатын-кыз карашы» республика конкурсына йомгак ясалды. Бу конкурс республика социаль-икътисадый үсешенә зур өлеш керткән хатын-кызларны ачыклау һәм җәмгыятькә таныту, мәдәнияткә, рухияткә, яшь буынны тәрбияләүгә, гаилә институтын ныгытуга ярдәм итү максатыннан үткәрелә. Конкурс Татарстан Республикасы Президенты ярдәме белән уздырыла. Зона турында сигез районнан 54 дәгъвачы катнашты: алар арасында Азнакай, Әлмәт, Бөгелмә, Баулы, Лениногорск, Сарман, Ютазы, Зәй районнары бар иде. Барлык катнашучыларны район Башкарма комитеты җитәкчесенең социаль мәсьәләләр буенча урынбасары Александр Владимирович Чапков сәламләде һәм котлады. «Хатын - кыз-ана» номинациясендә Клушева Шәмсия Лотфулла кызы,"Минем язмышым - минем һөнәрем» номинациясендә Попова Валентина Васильевна, «Хатын-кыз-лидер «номинациясендә» Федина Наталья Ивановна,«Өченче буын герое» номинациясендә Әгъзамова Фәния Хәйдәр кызы, «Хатын – кыз-ел үрнәге» номинациясендә Салихова Регина Равил кызы, «Ир – ат-мәрхәмәтле йөрәк» номинациясендә Аладышкин Ростислав Сергеевич зона турының җиңүчеләре булды.