Район Башкарма комитеты җитәкчесе И. Ф. Хафизов Татарстан Кулланучылар җәмгыятьләре вәкилләренең хисап җыелышында катнашты

Бүген Казан шәһәренең игенчеләр сараенда Татарстан Кулланучылар җәмгыятьләре вәкилләренең гомуми хисап җыелышы уза. Җыелышта кулланучылар җәмгыятьләренең һәм кооперативларыннан 88 делегат, шулай ук министрлыкларның, ведомстволарның, партнер компанияләрнең 70кә якын вәкиле, Казан кооператив институты укытучылары һәм студентлары һәм муниципаль районнарның башкарма комитетлары җитәкчеләре видеоконференцэлемтә режимында катнашалар. Чара башланыр алдыннан кунаклар һәм делегатлар Татарстан Республикасы Авыл хуҗалыгы һәм азык-төлек министрлыгы бинасы фойесында оештырылган район кулланучылар җәмгыятьләре продукциясе күргәзмәләрен карадылар. Җыелышның пленар өлешен Татарстан Республикасы Авыл хуҗалыгы һәм азык-төлек министры М. Г. Әхмәтов ачты. Анда 2018 елда Кулланучылар кооперациясе оешмалары эшчәнлегенә йомгак ясалды һәм киләчәккә бурычлар билгеләнде, 2018 елда ревизия комиссиясе эшчәнлеге һәм 2019 елга бурычлары каралды һәм Кайбыч районы кулланучылар кооперациясенең эш тәҗрибәсе һәм үстерү перспективалары турында докладлар тыңланды. Зәй муниципаль районы Башкарма комитеты җитәкчесе И. Ф. Хафизов үз чиратында Зәй муниципаль районында кулланучылар кооперациясенең эш тәртибе һәм аны үстерү перспективалары белән уртаклашты. Җитештерүдәге прогрессив технологияләрне үзләштерү хисабына, Татарстан Республикасы Кулланучылар кооперациясе системасының җәмәгать туклануында җитештерелә торган продукциянең ассортиментны киңәйтү һәм сыйфатын арттыруы өчен, А. А. Шалафаев җитәкчелегендәге «Зәй икмәге» җәмгыяте коллективына, Татарстан Республикасының кулланучылар кооперациясе дипломы тапшырылды.