Татарстан Президенты Рөстәм Миңнеханов зәйлеләргә дәүләт бүләкләре тапшырды

Бүген Зәй муниципаль районы Советының ел нәтиҗәләре буенча үткән утырышында, Татарстан Республикасы Президенты Рөстәм Миңнеханов катнашында дәүләт бүләкләре тапшырылды. «Зәй икмәк кабул итү предприятиесе» ААҖ башкарма директоры Фәрдиев Рифкать Мидхәт улы «Фидакарь хезмәт өчен» медале белән бүләкләнде, “Зәй үзәк район хастаханәсе” баш табибы Әмиров Рим Риф улына «Татарстан Республикасының Атказанган табибы», «Зәй кооператив сәүдәсе» кулланучылар җәмгыяте сатучысы Нәбиуллина Алсу Раиф кызына «Татарстан Республикасының Атказанган халыкка хезмәт күрсәтү өлкәсе хезмәткәре” мактаулы исемнәре бирелде. Кадер авыл җирлеге башкарма комитеты җитәкчесе урынбасары Барсукова Людмила Николаевна һәм 2 нче гомуми урта белем бирү мәктәбе физика укытучысы Куров Виктор Ивановичка, Татарстан Республикасы Президентының Рәхмәт хатлары тапшырылды.