Район мәдәният йорты мәйданчыгында мини-футбол буенча ярыш узды

5 февраль көнне район мәдәният йорты каршындагы мәйданда мини-футбол буенча ярыш булып узды. Спорт дәрте һәм үз командасы өчен җиңүгә ирешү теләге балаларны шулкадәр җәлеп итте, алар әйләнә-тирәдә барган хәлләрне сизми дә калдылар. Барысы да көндәшенә гол кертергә тырышты. Ярышлар чын мәгънәсендә спорт һәм сәламәтлек бәйрәме булды. Балалар җиңү яулау өчен физик яктан көчле, шул ук вакытта максатка омтылучан, ихтыяр көченә ия, оешкан һәм җыелган, җитез һәм тапкыр булырга кирәклеген аңладылар. Әлеге чарада 22 кеше катнашты.