Зәйдә чаңгы ярышлары буенча Идел буе федераль округы чемпионаты узды

23-27 гыйнвар көннәрендә «Ялта-Зәй " спорт әзерлеге үзәгендә чаңгы ярышлары буенча Идел буе федераль округы чемпионаты узды. Ярышларда Башкортостан Республикасы, Марий-Эл, Мордовия, Удмуртия һәм Чуваш республикалары, Пермь крае, Самара, Саратов, Түбән Новгород, Оренбург, Ульяновск, Пенза өлкәләре, шулай ук Татарстан Республикасының иң көчле спортчылары катнашты. Ярышлар программасына ирекле һәм классик стильдә индивидуаль узышлар, спринтер һәм эстафета ярышлары керде. Идел буе округы чемпионатында республиканың 40 тан артык спортчысы, шул исәптән Олимпия чемпионы Ф. П. Симашев исемендәге балалар-яшүсмерләр спорт мәктәбендә тәрбияләнүчеләр катнашты. "Олимпия чемпионы Ф. П. Симашев исемендәге балалар-яшүсмерләр спорт мәктәбе" ндә тәрбияләнүче Лобастова Полина һәм Утяганова Анастасия Татарстан Республикасы җыелма командасы составында 2 нче урынны алды. Ярыш нәтиҗәләре буенча Татарстан Республикасы җыелма командасы 1 урынны алды. Ир-атлар эстафетасында шулай ук безнең мәктәп укучылары Фадеев Руслан, Коронов Петр һәм Бортых Дмитрий катнашты.