Үзәк китапханәдә Ленинград блокадасы өзелүгә 75 ел тулу уңаеннан кичә үтте

25 январь көнне Үзәк китапханәдә Ленинград блокадасы өзелүгә 75 ел тулу уңаеннан кичә үтте. Чарага 9 класс укучылары чакырылды. Бөек Ватан сугышы тарихында Ленинград блокадасы - иң аянычлы вакыйгаларның берсе. Шул ук вакытта бу совет халкының ныклыгын, фашист илбасарларын җиңүгә ышанычын да күрсәтте. Ленинградның батыр халкы, 3 ел буена дошман чолганышында калып, ачлыкны, ялангачлыкны, ачы суыкларны үз җилкәләрендә кичерде, ләкин бирешмәде. Бу хакта укучыларга китапханәче Айгөл Камалеева сөйләде. Кичәдә шулай ук презентация, видеороликлар да күрсәтелде.