Зәйдә элеккеге район башлыгы Ринат Фәрдиев истәлегенә көрәш буенча Бөтенроссия турниры узачак

1 февральдән 3 февральгә кадәр Зәйдә элеккеге район башлыгы Ринат Фәрдиев истәлегенә көрәш буенча Бөтенроссия турниры узачак. Турнирда 200 дән артык спортчы катнашыр дип көтелә. 1999 елдан башлап татар-башкорт көрәше буенча район ярышлары 9 ел дәвамында Ринат Фәрдиев призына узды, 11 ел рәттән алар аның истәлегенә багышлана. 2016 елдан 2018 елга кадәр Ринат Фәрдиев истәлегенә көрәш турниры республика ярышлары статусында узды. 2019 елда ул беренче тапкыр Бөтенроссия ярышлары статусында узачак.