Зәй муниципаль районының тормыш дәрәҗәсен күтәрү һәм керемнәрне рәсмиләштерү буенча территориаль ведомствоара комиссиясе әгъзалары пенсия алды яшендәге эшләүче гражданнарның мәшгульлеген саклау максатында “Зәй” Агрофирмасы” ҖЧШендә булдылар

Россия Федерациясе Хөкүмәте тарафыннан үткәрелә торган пенсия яшен арттыру һәм хезмәт законнарында каралган чараларны үтәүне тәэмин итү буенча кабул ителгән карарларны үтәү, гражданнарның яшенә бәйсез рәвештә хезмәт хокукларын һәм ирекләрен чикләүгә, шулай ук пенсия алды яшендәге гражданнарны эш белән тәэмин итүне саклауга һәм үстерүгә юнәлдерелгән чараларны тормышка ашыру максатларында Зәй муниципаль районы предприятиеләрендә күчмә очрашулар уза. Декабрь ае дәвамында тормыш дәрәҗәсен күтәрү һәм керемнәрне рәсмиләштерү буенча территориаль ведомствоара комиссия әгъзалары эш бирүчеләргә пенсия алды яшендәге гражданнарның хезмәт хокукларын бозмау буенча мәгълүмат бирү, шулай ук пенсия алды яшендәге хезмәткәрләргә киңәшләр бирү максатында өч оешмада булачаклар. 5 декабрьдә Зәй муниципаль районының тормыш дәрәҗәсен күтәрү һәм керемнәрне рәсмиләштерү буенча территориаль ведомствоара комиссиясе әгъзалары икътисад бүлеге башлыгы Марат Хәбибуллин һәм мәшгульлек үзәгенең эшкә урнаштыру бүлеге башлыгы Ольга Лаптева катнашында “Зәй” Агрофирмасы” ширкәтенең эш бирүчеләре һәм пенсия яше алдындагы хезмәткәрләре белән очрашу үткәрде. Чарада 21 кеше катнашты. Очрашу ахырында анда катнашучыларга пенсия алды яшендәге гражданнарның хезмәт хокукларын тәэмин итү мәсьәләләре буенча белешмәлекләр таратылды.