Зәй районында гомуми белем бирү оешмалары җитәкчеләре өчен семинар узды

Төп мәйданчыклар белән эшләү, белем бирү оешмалары эшчәнлеген өйрәнү һәм идарә итү буенча нәтиҗәле белем бирү практикаларын тарату максатында 2018 елның 4 декабрендә Бухарай төп гомуми белем бирү мәктәбе базасында Зәй муниципаль районының белем бирү оешмалары җитәкчеләре өчен " Авыл җирлеге шартларында мәктәптә өстәмә белем бирү бурычлары, проблемалары һәм перспективалары» темасы буенча семинар-практикум узды. Балаларга өстәмә белем бирү Россия җәмгыяте белем бирү киңлегенең мөһим өлеше булып тора. Өстәмә белем бирү программалары бик мөһим, чөнки һәр балага үзләрен төрле өлкәләрдә сынап карау, яңа белемнәр алу, күңелгә якын һәм талант буенча шөгыль табу, ахыр чиктә булачак һөнәрне сайлап алу мөмкинлеге бирә. Мәктәп холлында «Кәгазь модельләштерү», «Кибер-Мастер» берләшмәләре күргәзмәләре эшләде. «Сәламәт яшәү рәвеше», «Яшь талантлар клубы» класстан тыш чараларында уен, концерт, тикшеренү эшләре рәвешендә укучылар үзләренең кече һәм зур Ватаннарын яратырга, үз халкының гореф-гадәтләрен белергә, аңларга, бәяләргә һәм пропагандаларга, үз мәдәниятенең казанышлары белән горурланырга, Россиянең генә түгел, бөтен дөньяның тарихи һәм мәдәни мирасын хөрмәт итәргә өйрәнәләр. Төрле конкурсларда, мәктәп һәм муниципаль дәрәҗәдәге ярышларда бик теләп катнашалар һәм призлы урыннар алалар.