Район башлыгы Разиф Кәримов авыл хуҗалыгындагы эшләрнең торышы белән танышты

Бүген район башлыгы Разиф Кәримов авыл хуҗалыгы формированиеләрен йөреп чыкты. Аның белән бергә хуҗалыклардагы эшнең торышы белән авыл хуҗалыгы идарәсе башлыгы һәм баш белгечләре, район бүлекчәләре һәм агрофирмалары җитәкчеләре дә танышты. Маршрут һәм фикер алышу темалары районда тармакның оператив торышыннан чыгып эшләнгән, графикка барлыгы 15 объект кертелгән. Терлекчелек һәм товарлыклы- сөтчелек комплексларында район башлыгы терлекләрне кышлатуның барышын, савым сыерларын тоту һәм ашату технологиясен үтәүне, авыл хуҗалыгы продукциясен җитештерү темпларын тикшерде. Шулай ук Разиф Кәримов ремонт цехларында һәм механик остаханәләрдә булды, анда тагылма авыл хуҗалыгы агрегатларын, тракторларны һәм чөгендер җыю комбайннарын ремонтлау барышы белән танышты. Механизаторлар алдына үзебезнең агрегатларны яңа елга кадәр ремонтлауны тәмамлау бурычы куелды, ә терлекчеләр сыйфатлы продукция җитештерү күләмен арттыра барырга тиеш. Моның өчен район хуҗалыкларында бөтен тиешле шартлар тудырылган.