Зәйдә гадәттән тыш хәлләрне кисәтү комиссиясе утырышы узды

Бүген хакимият бинасының кече залында Зәй муниципаль районы буенча гадәттән тыш хәлләрне кисәтү һәм янгын куркынычсызлыгын тәэмин итү буенча комиссия утырышы узды. Анда «Эвакуация чаралары белән идарә итү вакытында Зәй муниципаль районы гражданнар оборонасы штабының, хезмәтләренең, эвакуация органнарының һәм территориаль формированиеләренең эшен оештыру» темасына махсус өйрәнүгә әзерлек сораулары каралды. Киңәшмәне Зәй муниципаль районы гражданнар оборонасы штабы башлыгы - район Башкарма комитеты җитәкчесе Илнар Хафизов алып барды. Киңәшмәгә Зәй муниципаль районының хезмәт һәм формированиеләр җитәкчеләре, җыелма эвакуация һәм кабул итү эвакуация пунктлары җитәкчеләре чакырылган иде. Зәй районы гражданнарны яклау идарәсе башлыгы Регина Смирнова үзенең чыгышында махсус өйрәнүләргә әзерлек эшенең төп юнәлешләрен билгеләде. Киңәшмәгә Илнар Хафизов йомгак ясады.