Район башлыгы Разиф Кәримов йортлар буенча җаваплылар белән очрашу үткәрде

Йортлар буенча җаваплылар белән чираттагы очрашу 16 ноябрь көнне хакимиятнең зур залында узды. Кереш сүз белән Зәй муниципаль районы башлыгы Разиф Гали улы Кәримов чыкты. 2018 елда капиталь ремонт нәтиҗәләре һәм 2019 елга КФЙ капиталь ремонтына әзерлек белән катнашучыларны «ТКХ һәм технологик контроль үзәге» МУП директоры Журавлев Павел Иванович таныштырды. Торак – коммуналь хезмәтләр өчен җыемнар буенча башкарыла торган эшләр турында "Зәй" ҖЧҖ «ЕРЦ – «Татэнегросбыт» халыкка хезмәт күрсәтү буенча участок җитәкчесе Салашева Алина Владимировна сөйләде. 2018 елның 3 кварталы нәтиҗәләре буенча ИК һәм ТМШ тарафыннан башкарылган эшләр турында хисапны «Зәй шәһәре ТКХ ИК» ҖЧҖ генераль директоры Камышова Галина Николаевна, «Уңайлы йорт» ТМШ идарәчесе Абрамов Василий Николаевич, «Ышаныч» ТМШ идарәчесе Имаметдинова Наҗия Нәкыйп кызы тәкъдим иттеләр. Түләүләрне җыю эшләре турында шулай ук «Зәй – Водоканал " ҖЧҖ директоры Федоров Сергей Геннадьевич та сөйләде. Торак-коммуналь хезмәтләр өчен бурычларны түләтү буенча 2018 елның 3 кварталына хисап белән Зәй районы суд приставлары бүлегенең бүлек начальнигы - өлкән суд приставы Будрин Игорь Викторович чыкты. Зәй районы газ- эксплуатация хезмәте башлыгы Йосыпов Айрат Азат улы газ җиһазлары белән эшләү куркынычсызлыгы чаралары турында сөйләде. Йортлар буенча җаваплылар үзләрен борчыган сораулар белән район җитәкчелегенә һәм тиешле хезмәтләргә мөрәҗәгать иттеләр, аларның тәкъдимнәрен һәм искәрмәләре утырыш беркетмәсенә кертелде. Җыелышка Зәй муниципаль районы башлыгы Разиф Гали улы Кәримов йомгак ясады.