Зәйдә Космонавтика көненә багышланган чара узды

Бүген «Космосның беренче атнасы» кысаларында, кешенең космоска беренче очуына 65 ел тулу уңаеннан, «Радость» халыкка социаль хезмәт күрсәтү комплекслы үзәгендә туган якны өйрәнү музее белән берлектә ведомствоара чара узды. Музей белгече балалар өчен мавыктыргыч дәрес үткәрде. Ул Чернушка кушаматлы этнең космоска беренче тапкыр очуы турында сөйләде, шулай ук Зәй районы тарихы турында җирдән тыш киңлекләрне үзләштерү белән тыгыз бәйләнгән фильм күрсәтте. Балаларда космик корабльнең нәкъ менә аларның туган якларына төшүе турындагы хикәя аеруча кызыксыну уятты. Очрашуның кульминациясе иҗади мастер-класс булды. Балалар зур энтузиазм белән космонавтлар һәм планеталарның гипс сыннарын ясадылар. Һәр катнашучы үз фантазиясен эшкә җикте, һәм нәтиҗәдә, барысының да уникаль һәм якты эшләре, узган бәйрәм турында истәлекле сувенирлар килеп чыкты.