Зәй районы муниципаль хезмәткәрләре волейбол ярышларында катнаша

4 нче октябрьдән 6сына кадәр Буада муниципаль хезмәткәрләр Спартакиадасы кысаларында волейбол ярышлары уза. Ярышларда Казан, Яр Чаллы, Әлмәт, Яшел Үзән, Түбән Кама һәм Татарстанның башка шәһәр һәм муниципаль районнарыннан 120ләп спортчы катнаша. Ярышларда катнашучылар арасында Зәй районы муниципаль хезмәткәрләре дә бар. Бүген безнең команда бөгелмәлеләр белән очрашты, уен безнең команда файдасына 2:0 исәбе белән тәмамланды. Иртәгә Зәй командасына Баулы районы муниципаль хезмәткәрләре командасы белән көч сынашырга туры киләчәк. Уңышлар телибез!