Халык җыеннары вакытында куелган бурычларның үтәлеше тикшерелде

Бүген хакимиятнең зур залында район башлыгы вазыйфаларын башкаручы В.Г. Акатьев, район Башкарма комитеты җитәкчесе И.Ф.Хафизов катнашында авыл җирлекләрендә үтүче халык җыеннары вакытында куелган бурычлар һәм бирелгән сорауларның үтәлеше буенча киңәшмә үтте. Анда предприятие, оешма,торак-коммуналь хуҗалыгы җитәкчеләре, Совет һәм Башкарма комитетның җаваплы хезмәткәрләре, авыл җирлеге башлыклары чакырылган иде. Киңәшмә барышында бер генә мөрәҗәгать һәм тәкъдимдә игътибарсыз калмады. Район Башкарма комитеты җитәкчесе И.Ф.Хафизов киңәшмәдә катнашучыларга башкарылачак эшләргә җаваплы карарга һәм барлык мәсьәләләрне кыска вакыт эчендә хәл итәргә кирәклеге хакында тагын бер кат искәртте.