Тәмле дә соң казылык!

Районда тукланупродукциясе җитештерү белән шөгыльләнүче предприятиеләрне пропагандалау, кулланучыларга үзебездә җитештерелгәннең күпкә сыйфатлырак булуын дәлилләү максатында, махсус көннәр уздыру матур традициягә әйләнеп килә.

Җәен зәйлеләр сөт, ипи заводлары бәйрәмнәрендә катнашып, яңа төр продукцияләр белән таныштылар, ә узган якшәмбедә «Энергетик» Мәдәният сарае каршында үткән чираттагы шундый чараны Гүлкин ит эшкәртү цехы оештырды.

Тәме, бәясе, сыйфаты буенча республика кулланучы-ларының игътибарын яулап алган Гүлкин ит эшкәртү цехы - аягында нык басып торучы предприятие. Бу коллективның югары эш нәтиҗәсе турында сөйли. Чөнки кешенең төп туклану продуктларының берсе булган ит ризыкларын һәр милли-продукциянең күңелләренә аеруча хуш килүен билгеләп куйдылар. Мәсәлән, Раилә Фәтхуллина 10 елдан артык Гүлкин продукциясенә өстенлек бирүен әйтте. Сыйфатлы һәм үзебездә җитештерелгән иттән әзерләнгән булуы өчен яратып кулланам, ди ул.

Әйе, Гүлкин ит эшкәртү цехы инде менә 12 елдан артык район һәм республика халкын төрле ит ризыклары белән тәэмин итә. Башта - грамм төгәллек белән әзерләү, аларны тиешле температурада саклау сорала.

-Безнең өчен иң мөһиме -җитештергән продукцияне кулланучыларның яратып сатып алуы. Шуңа күрә төп игътибарны сыйфатка юнәлтәбез. Дәүләт стандартларына туры килгән ит ризыклары әзерләүгә йөз тотабыз, ассортиментны киңәйтәбез. Бүгенге бәйрәмдә дә без сезгә предприятиедә соңгы вакытта җитештерелә башлаган яңа төрдәге ит ризыкларын тәкъдим итәбез, -диде цех директоры Ринат Мөхәммәтҗанов, бәйрәмне ачып һәм мәйданга җыелган халыкны махсус әзерләнгән өстәлләр янына ит ризыкларын кабып карарга чакырды.

Әле бер, әле икенче төр ит ризыкларын татып караучылар үзләре өчен кайсы төргы елларда тәүлегенә 20 кг ит эшкәрткән предприятие, хәзер инде 1500 тоннадан артык продукция чыгарырга сәләтле. 5-6 төрдәге казылык әзерләүдән башланган эш, камилләшеп, яңа технологияләрне үзләштерә барып үсте, киңәйде. Хәзер биредә 72 төрдә ит ризыклары һәм 20ләп төрдә ярым-фабрикатлар әзерләнә. Алар Зәй, Түбән Кама, Әлмәт, Чаллы, Лениногорск, Казан шәһәрләренә, республиканың күп кенә районнары сәүдә нокталарына озатыла. 100дән артык сәүдә оешмасы белән тыгыз элемтәдә эшләүче коллективка үз продукциясе өчен кызарырга туры килми. Беренчедән, яхшы сыйфатлы азыкка кулланучы тарафыннан сорау зур, икенчедән, бәяләр башка җитештерүченекенә караганда 20-35 сумга очсызрак. Моны Гүлкин ит эшкәртү цехы ризыкларын даими кулланучы райондашлар яхшы белә. Чөнки предприятиенең үз сәүдә ноктасы инде 2000 елдан шәһәрнең үзәк базарында эшли. Шулай ук "Мясной мир" кибетенә дә ит ризыклары кирәк булганда еш килә кешеләр. Быел исә шәһәр үзәгендәге "Радуга" кибетендә предприятиенең тагын бер сәүдә ноктасы барлыкка килде. Болар барысы да җитештерүчәнлек-нең үсә баруы, коллективның киләчәккә ныклы адымнар белән атлавы турында сөйли.

Гүлкин ит эшкәртү цехы төрле бәйге, конкурсларда катнашып та Татарстан җитештерүчеләре арасында үз урынын булдырды. Соңгы елларда предприятиедә әзерләнгән берничә төр казылык республиканың иң яхшы товарлары рәтендә. Ә узган ел исә "Оригиналь" рулеты I дәрәҗә дипломга лаек булып, лауреат исемен алды. Район җитәкчелеге үз төбәгебездә уңышлы эшләп килүче предприятиегә һәртөрле ярдәм күрсәтергә әзер.

-Без үзебезнең район җирлегендә сыйфатлы азык әзерләү буенча республиканың эре предприятиеләре белән ярыша алырлык җитештерүчеләребез булу белән горурланабыз. Киләчәктә коллективның тагын да яңа эш алымнары үзләштереп, ассортиментны киңәйтә барып, Россия күләмендә танылуын, уңышлы эшләвен телибез. Халык соравын күз уңында тотып эшләүче коллективка зур рәхмәт белдерәбез, - диде район башкарма комитеты җитәкчесе урынбасары Светлана Иванова һәм Зифа Хисамова, Гөлчәчәк Таҗие-вага - район башлыгы Мактау грамотасы, Валентина Батаевага башкарма комитет җитәкчесе Рәхмәт хатын тапшырды.

Күңелле бәйрәм чарасын Түбән Новгород шәһәреннән предприятиенең кураторы булган Евгений Поченский фокус номерлары белән дәвам итте. Уеннарда актив катнашучыларга бүләкләр тапшырылды. Ә соңыннан Казан шәһәренең "Листья травы" рок төркеме концерт программасы тәкъдим итте.