ЯҢАЛЫКЛАР

Яшьләр белән эшләү бүлеге хезмәткәрләре «Яшьлек»клубында шахмат буенча дәрес үткәрделәр. Шахмат - борынгы һәм мавыктыргыч уен. Бу уен балаларның фикер йөртүен яхшырта, аларда оешканлык һәм игътибарлылык тәрбияли. Клубка йөрүчеләр өчен үткәрелгән беренче дәрес балаларда уңай тәэсир калдырды, аларда бу уенны өйрәнү теләге тагын да артты.

Зәй муниципаль районында Спорт һәм сәламәт яшәү рәвеше елы кысаларында 1-4 сыйныфларда укучы һәм мәктәпкәчә яшьтәге балалар физкультура дәресе программасы нигезендә ,билгеләнгән график буенча «Яшьлек» боз сараена йөри башладылар. Беренче дәресләрнең нәтиҗәсе бу чараның балалар өчен бик файдалы һәм мавыктыргыч булуын күрсәтте.

Саба муниципаль районында, республика мәгариф хезмәткәрләренең 2016 ел Спартакиадасы узды. Бу спартакиада, Татарстан Республикасында массакүләм физкультура-савыктыру хәрәкәтен җанландыру,хезмәткәрләрнең актив ялын булдыру максатында оештырыла. Спартакиада да Татарстан Республикасы мәгариф һәм фән министрлыгы командасы, барлык районнарның идарә җитәкчеләре һәм педагоглары катнашты. Муниципаль районнарның командалары ике төркемгә бүленде. А группасына 3500 дән кимрәк , Б группасына 3500 дән артыграк укучылары булган мәктәпләр керде. Район командасын 29 кеше тәшкил итте. Зәйлеләр җиңел атлетикада - 2 урынны, кече футболда - 1 урынны, гер спортында - 2 урынны, канат тартуда - 4 урынны, урыннан озынлыкка сикерүдә - 9 урынны, йөзүдә - 18 урынны, атуда – 15 урынны, бадминтон буенча - 15 урыннарны алдылар һәм гомүми ярыш нәтиҗәләре буенча 5 нче урынны яуладылар. Спартакиада да катнашучыларны җиңүләре белән чын күңелдән котлыйбыз һәм киләчәктә дә яңа спорт нәтиҗәләренә ирешүләрен

Мирный бистәсендә яшәүче хезмәт ветераны Краснова Мария Тимофеевна район башлыгы Р.Г.Кәримов исеменнән 90 яшьлек юбилее белән котлау кабул итте. Анда район ветераннар Советы рәисе М.С. Хүҗин һәм мәдәният йортының автоклуб хезмәткәрләре катнашты.

Районыбызда яшәүче 90-яшен билгеләп үтүче барлык Бөек Ватан сугышы, тыл ветераннарына Россия Президентының котлавы - рәхмәт хаты һәм район башлыгының бүләге тапшырыла.Мондый котлаулар өлкән буын кешеләрендә якты истәлек һәм онылмаслык мизгел булып кала. Бүген Әхтәм Гарипович Латыйпов 90-яшьлек юбилеен билгеләп үтте. Ул Мөслим районы Ташлы Яр авылында туып үсә. Бала чаклары, үсмер вакытлары бик авыр вакытларга туры килә. Сугыш башлангач 1943 елны армия хезмәтенә алына. 7 ел хезмәт иткәннән соң, яңадан туган авылына әйләнеп кайта.1952 елны өйләнеп, Гөлсем апа белән өч бала тәрбияләп үстерәләр. Тукай районының Кызыл Тау, Зәй районының Кармалка, Мирный урман хуҗалыгында тракторист, шофер булып эшләп лаеклы ялга чыга. Бүгенгесе көндә Әхтәм абының 5 оныгы, 2 оныкчыгы бар. Бүген юбилярны Зәй шәһәр башлыгы урынбасары Елена Владимировна Недошивина, “Яңа шәһәр” территриаль җирле үзидарәсе җитәкчесе Тамара Васильевна Тыткина һәм автоклуб хезмәткәрләре котлады.

Имәнлебаш мәдәният йортында сезон ачылуга карата "Чордашларым -кордашларым "дигән тематик кичә узды. Очрашуга еракта яшәүче авылдашлары чакырылган иде. Ерак араларны якынайтучы бу матур традиция ел саен дәвам итә. Кичәдә катнашучылар үзләренең моңлы жырларын, биюләрен бүләк иттеләр. Кичәне Рузалия Хафизова төрле уеннар белән чиратлаштырып, бик мавыктыргыч итеп алып барды. Бәйрәм кичәсе һәркем күңеленә хуш килде.

16 нчы октябрьда “Күренекле зәйлеләр” залында Илфат Кыям улы Имамиевның юбилее уңаеннан аның шәкертләре (алар арасында М.В.Данилов та бар ) күргәзмә оештырдылар.Илфат Кыямович 1964 елдан ирекле көрәш белән шөгыльләнгән, 1970 елдан “Октябрь ” мәдәният йорты спорт залында үзенең тренерлык эшен башлап җибәргән. Биш ел дәвамында аның кул астында шөгыльләнүчеләр үзләрен ярышларда беркайчан да сынатмадылар, республика күләмендә герой шагыйрь Муса Җәлил призына үтүче татар-башкорт көрәшләрендә алдынгы урыннарны яуладылар. 1989 нчы елда күпьеллык һәм нәтиҗәле хезмәте өчен, Илфат Имамиев “Татарстан Республикасының атказанган физкультура хезмәткәре» дигән исемгә лаек булды.

Татарстан Республикасы Үзәк сайлау комиссиясе (7 нче чакырылыш)Россия Федерациясе Дәүләт Думасы депутатларын сайлау нәтиҗәләре буенча республиканың территориаль сайлау комиссияләре җитәкчеләре белән берлектә киңәшмә уздырды. Киңәшмәдә Татарстан Республикасы Дәүләт Советы рәисе Ф.Х.Мөххәммәтшин,Татарстан Республикасы Дәүләт Советы рәисе урынбасары Юрий Камалтынов,Татарстан Республикасы Президенты Аппараты җитәкчесе урынбасары -Татарстан Республикасының территорияләр белән эшләү бүлеге идарәсе башлыгы Илнур Гариповлар катнашты. Киңәшмә котлау тантанасы белән тәмамланды. Татарстан Республикасы Президенты Р.Н.Миңнеханов Рәхмәте Зәй шәһәре территориаль сайлау комиссиясе рәисе Ландыш Госман кызы Ананьевага тапшырылды. «Иң яхшы информацион аңлату эшчәнлеге» республика конкурсы нәтиҗәләре буенча «Яшьләр һәм сайлау!» номинациясендә җиңүче дип, Зәй районы территориаль сайлау комиссиясе билгеләнде. «Бердәм эш-уңыш нигезе» номинациясендә Зәй шәһәр сайлау комиссиясе җиңүче,- дип табылды.

Бүген Зәйдә Татарстан Республикасы Президенты Р.Н.Миңнеханов катнашында "Алнаши-Бөгелмә"тимер юлы аша үтүче 270 метр озынлыгында яңа юл үткәргеч - күпер ачу тантанасы булды. Чарада Татарстан Республикасы Транспорт һәм юл хуҗалыгы министры Л.Р.Сафин, Зәй муниципаль районы башлыгы Р.Г.Кәримов, Куйбышев тимер юлы башлыгы С.В.Соложенкин, Татарстан Республикасы "Күперләр"ААҖ генераль директоры Р.С.Мухьянов, башка чакырылган кунаклар, предприятие, оешма җитәкчеләре һәм хезмәткәрләре катнашты. Р.Н.Миңнеханов зәй халкын бүгенге зур вакыйга - күпер ачылу тантанасы белән котлады. Күперне җиткерүдә катнашкан барлык предприятие һәм оешма җитәкчеләренә һәм хезмәткәрләренә олы рәхмәтен белдерде.Анда катнашучыларга Татарстан Республикасы Президенты,Татарстан Республикасы транспорт һәм юл хуҗалыгы министры, Зәй муниципаль районы башлыгы, Татарстан Республикасы"Күперләр"ААҖләренең Рәхмәт хатлары һәм Мактау кәгазьләре тапшырылды. Район башлыгы Р.Г.Кәримов Татарстан Республикасы бюджетыннан тормышка ашырылган 756 миллион сумлык бу зур күләмле президент проекты өчен Татарстан Республикасы Президенты Р.Н.Миңнехановка, барлык зәйлеләр һәм шәхсән үз исеменнән зур рәхмәтен җиткерде. Кыска вакыт эчендә эшне сыйфатлы һәм нәтиҗәле итеп башкаручыларга тагын бер кат рәхмәт әйтеп, эшләрендә уңышлар теләде. Зәебезне тагын да ямьләндергән бу күпер, аның тарихында зур вакыйга булып калыр! - диде.

Бүген район башкарма комитеты урынбасары Н.А.Нифатов рәислегендә стандарт булмаган ситуацияләр буенча чираттагы комиссия утырышы узды. Җыелган комиссия членнары һәм чакырылганнар 10га якын шундый очракны карадылар. Чарада хокук белгечләре, социаль хезмәткәрләрнең катнашуы мөһим роль уйный. Комиссия утырышының нәтиҗәләре уңай булыр дип көтелә.