ЯҢАЛЫКЛАР

9 нчы ноябрьдә хакимиятнең зур залында Казанның һөнәри бизнес-тренерлары белән берлектә кече һәм урта эшмәкәрлек субъектлары өчен “Бизнес-десант” киңәшмәсе үтте. Очрашуда район һәм шәһәрнең 120 эшмәкәре катнашты. Киңәшмәдә катнашучылар үзләрен кызыксындырган салым түләү, хокук нигезләре, дәүләт сатып алу мәсьәләләренә кагылышлы күп санлы сорауларына җавап ишеттеләр. Шулай ук, Татарстан Республикасында эшкуарлыкка дәүләт ярдәме формалары турында тулы мәгълүмат алдылар.

Шушы көннәрдә Халыкны эш белән тәэмин итү үзәге хезмәткәрләре район һәм шәһәрнең гомүми урта белем бирү учрежденияләре җитәкчеләре белән очраштылар. Очрашу вакытында хезмәт законнары каралды, җитәкчеләргә “Россиядә эш” парталының эшләве хакында, Халыкны хезмәт белән тәэмин итү үзәгенә мәгълүмат җиткерүнең тәртибе һәм вакыты турында хәбәр ителде.

3 нче ноябрьдә «Яшьлек» боз сараенда Татарстан беренчелегенә Зәй һәм Минзәлә командалары арасында, 2007 елда туганнар арасында, хоккей буенча ярышлар үтте. Ярышлар зәйлеләр файдасына 7 гә 3 исәбенә тәмамланды. 5 нче ноябрьдә Мамадышта укытучы-тренер Ю.А.Балякин истәлегенә багышланган ирекле һәм милли көрәш буенча район турниры узды. Анда Казан, Мамадыш,Түбән Кама,Яр Чаллы,Менделеевск,Тукай һәм Зәй районнары катнашты.Зәйнең балалар спорт мәктәбендә тәрбияләнүчеләр уңышлы чыгыш ясадылар. 2007 елда туган балалар арасында Калимуллин Кәрим,Хаджаев Раил -1 нче,Гәрәев Әмир,Архипов Денис-2 нче,Архипов Артем-3 нче урыннарны алдылар.2005 нче елда туганнар арасында Салихов Тимур,Әбделхаков Малик-1 урынга чыктылар.2002 нче елда туганнар арасында Рафаилов Дмитрий-1 нче,Магерамов Мехман-2 нче,Хөснуллин Руслан 3 нче урыннарга лаек булдылар. 6 нчы ноябрьдә «Сәламәтлек» спартакиадасы исәбенә сәламәтләндерү комплексының спорт залында авыл җирлекләренең ир-атлары командалары арасында боскетбол буенча беренчелеккә ярышлар үтте. Ярышларда 8 авыл җирлеге катнашты. Беренче урынны Аксар , икенче урынны Югары Шепкә , өченче урынны Кадер авылы җирлеге алды.

2016 нче елның 02 ноябрь көнне Зәй муниципаль районы ГХАТ бүлегендә юбиляр парны котладылар. Бәйрәмгә 25 ел бергә гомер кичерүче Дудиннар гаиләсе чакырылган иде. Бу күркәм гаилә яшьләр өчен сабырлык, хисләргә тугърылык, тормышка позитив карау үрнәге булып торалар. Юбилярлар бәхетле гаилә тормышы серләрен ачып, киләчәккә яшь буынга теләкләрен җиткерделәр.

Үткән октябрь аенда Зәй шәһәренең ЗАГС бүлегендә 47 сабый теркәлде: 24 малай һәм 23 кыз. Иң кечкенә бала 2450, ә иң зуры – 4500 грамм. Иң яшь анага – 20, иң өлкән анага 42 яшь. Октябрь аенда иң популяр исемнәр Злата, Василиса, Данил, Эмиль. Сирәк очрый торган исемнәр Добрыня, Леон, Микелла. Шул ук вакыт эчендә ЗАГС бүлегендә 15 пар никахларын рәсми рәвештә теркәгәннәр. Иң яшь каләш белән кияүгә 20 һәм 18 ел, иң олы кияүгә – 62, каләшкә – 60 яшь.

"Энергетик" мәдәният сараен тулысынча төзекләндерү эшләрен «Созидание» (“Яңарыш”) төзелеш компаниясе башкара. Бүген район Башкарма комитеты җитәкчесе И.Ф.Хафизов үзенең урынбасарлары, подряд оешмаларның җитәкчеләре, мәдәният йорты җитәкчелеге белән берлектә чираттагы киңәшмәне үткәрде. Бүгенге көндә мәдәният йортының фасадын тышлау 90 % башкарылган, тавыш бирү корылмалары һәм яктырткычлар урнаштыру эше тәмамланган. Мәдәният йөртының эчке эшләре дәвам итә, ишекләр кую, бүлмәләрдә идән, түбә җәю эшләр башкарыла. Объектта оешманың 30 дан артык хезмәткәре эшли. Эш төгәл план буенча башкарыла, һәр атнада эшләнгән эшләргә нәтиҗә ясала, алга таба эшләнәсе эшләр билгеләнә.

Зәй-Сухарево-Иске Пальчиково-Бүре-Сарай автомобиль юлын реконструкцияләү 2016 елның 16 нчы июенендә башланган иде. Бүген Зәй районы башлыгы урынбасары В.Г.Акатьев, Башкарма комитет җитәкчесе И.Ф.Хафизов Зәй-Сухарево-Иске Пальчиково-Бүре-Сарай автомобиль юлын тантаналы төстә ачуда катнаштылар. Юлны төзекләндерү өчен 130600 м. куб.грунт салынды, башка күп төрле катлаулы җир эшләре эшләнде Һәм кыска вакыт эчендә башкарылып чыкты. Бу исә 400 дән артык авыл җирлеге халкы өчен зур сөенеч булды. Бүре Сарай авылында яшәүче Н.П.Абрамов барлык авыл җирлеге халкы исеменнән, Татарстан Республикасы Президенты Р.Н. Миңнехановка, район җитәкчелегенә, эшне башкарган оешма коллективына зур рәхмәтен җиткерде. Район Башкарма комитет җитәкчесе И.Ф.Хафизов, “Татнефтедор” ҖЧШ директоры Р.Р.Гарифуллин җирлектә яшәүчеләрне тагын бер кат юллы булулары белән котлап, эшләрендә уңышлар теләделәр.

Шәһәрнең үзәк китапханәсендә халыклар бердәмлеге көненә багышланган чара узды. Китапханә хезмәткәрләре Э.Х. Насыйбуллина һәм Л.М.Крылова “Бердәмлектә безнең көч” дигән тарихи сәгать үткәрделәр. Татар гимназиясенең укучылары бәйрәмнең килеп чыгу тарихы, Мәскәүне Польша интервентларыннан азат итү, Минин һәм Пожарский турында бик күп файдалы мәгълүмат алдылар. Чара да медиа-презентациядә күрсәтелде.

Зәй муниципаль районы Советының өченче чакырылыш уникенче утырышы депутатларга таныклыклар бирү белән башланып китте. Утырышта финанс- бюджет палатасы башлыгы В.Э.Шакирҗанова, милек һәм җир мөнәсәбәтләре идарәсе башлыгы Р.Р.Шәйхиевлар чыгыш ясады. Советның юридик бүлек башлыгы В.В.Кудряшов республика “Социаль ипотека” программасына чиратка басу тәртибе турында аңлатып үтте. Зәй муниципаль районы Советының 16 нчы октябрь, 2015елыннан 9 нчы номерлы карарына үзгәрешләрләр белән Зәй муниципаль районы башлыгы урынбасары В.Г.Акатьев таныштырды. Утырыш азагында тиешле карарлар чыгарылды.

Бүген Зәй муниципаль районы Зәй шәһәренең өченче чакырылыш уникенче утырышы узды. Анда Зәй шәһәре депутатларына күкрәк билгеләре һәм таныклыклар тапшырылды. 18 сентябрьдә шәһәр Советына өстәмә депутатлар сайлау булды. 8нче Эгергетиклар округы буенча депутат итеп Хәҗипов Руслан Хәнәфи улы сайланды. Утырышта финанс-бюджет палатасы рәисе В.Э.Шакирҗанова һәм Зәй шәһәре рәисе урынбасары Е.В.Недошивиналар чыгыш ясады. . Барлык мәсьәләләр буенча тиешле карарлар кабул ителде.