ЯҢАЛЫКЛАР

Бүген хакимиятнең кече залында шәһәр башлыгы урынбасары Е.В.Недошивина рәислегендә ачык тыңлаулар үтте. Анда район финанс- бюджет палатасы рәисе В.Э.Шакирҗанова, 2017 нче елда шәһәрдә бюджет үтәлеше хакында тулы отчет ясады.

Бүген хакимиятнең зур залында район башлыгы Р.Г.Кәримов җитәкчелегендә аппарат киңәшмәсе үтте. Киңәшмәдә район башлыгы Р.Г.Кәримов, мәгариф бүлеге башлыгы С.А.Кузнецовны 50 еллык юбилее белән котлады һәм аңа Мактау кәгазе тапшырды. Киңәшмәнең көн тәртибе буенча Зәй эчке эшләр бүлеге, район азык- төлек идарәсе , янгын-сак гарнизоны, белем бирү учрежденияләре укучыларының язгы каникулларын оештыру хакында мәгълүмат тыңланды.  Район "Техник инвентаризацияләү бюросы" акционерлык җәмгыяте бүлекчәсенең 2017 елдагы эшчәнлегенә йомгак ясалды. Көн кадагында торган, хезмәт базары торышы турындагы белешмә белән, халыкны хезмәт белән тәэмин итү учреждениясе директоры Е.В.Андреева таныштырды. Киңәшмәгә район башлыгы Р.Г.Кәримов йомгак ясады.

Зәй районында Россия Президентын сайлау участокларына 90% ка якын халык килде. Шулардан, шәһәрдә яшәүче 85% һәм авыл җирлекләрендә яшәүче 90% сайлаучы үз тавышларын В.В.Путин өчен бирде. Татарстан Республикасы сайлау комиссиясе нәтиҗәләреннән күренгәнчә, Татарстанда В.В.Путин өчен 82,08% халык тавыш биргән.

18 нче мартта кичке 8 сәгатьтә шәһәр һәм районыбызның барлык сайлау участокларында тавыш бирү тәмамланды. Районда сайлаулар бердәм рәвештә, төрле партия вәкилләре һәм иҗтимагый күзәтүчеләр катнашында үтте. Участок сайлау комиссияләре тавыш бирүчеләрне санады. Тиздән төгәл нәтиҗәләр билгеле булачак.

Бүген 18 мартта зәйлеләр Россия Президентын сайлауда катнаша. Районда бу көндә 64 сайлау участогы эшли, шуларның 20 се шәһәрдә һәм 44 се авылларда урнашкан.Шәһәр сайлау участокларында видеокамера урнаштырылган һәм 6 сайлау участогында электрон юл белән тавыш бирү мөмкинлеге бар. Бүген зәйләләр сайлауга бәйрәмгә җыелган кебек,  бердәм рәвештә гаиләләре белән бардылар. Район башлыгы Р.Г.Кәримов традицион рәвештә үзенең тормыш иптәше белән шәһәребезнең сайлау участогында тавыш бирде һәм зәйлеләрнең бердәм тавыш бирүләренә ныклы ышаныч белдерде.

Бүген 17 мартта хакимиятнең кече залында ТР Президенты Р.Н.Миңнеханов җитәкчелегендә видеоконференция режимында республика киңәшмәсе үтте. Киңәшмәдә торак төзелеше республика программаларын тормышка ашыру һәм социаль объектларны төзү, проблемалы торак төзелеше объектларында төзелеш эшләрен тәмамлау, районнарда юл эшләре торышы һәм Татарстан Республикасы авыл хуҗалыгы комплексына кагылышлы мәсьәләләр каралды. Видеоконференциядә муниципаль район башлыгы Р.Г.Кәримов, район башлыгы урынбасары В.Г.Акатьев, район Башкарма комитет җитәкчесе И.Ф.Хафизов, предприятие, оешма җитәкчеләре, Совет һәм Башкарма комитетның җаваплы хезмәткәрләре катнашты.

Бүген хакимияттә район башлыгы Р.Г.Кәримов рәислегендә Икътисад Советы утырышы узды. Көн тәртибе буенча, крестьян-фермер хуҗалыгы башлыгы Хәбибуллин И.М. чыгыш ясады. Анда катнашучылар үзләрен кызыксындырган сораулар буенча үзара фикер алыштылар. Утырышны район башлыгы Р.Г.Кәримов йомгаклады. Бүгенге көндә шәхси эшмәкәр И.М.Хәбибуллин терлекчелек һәм үсемчелек белән шөгыльләнә.

Россия Федерациясе Шәһәр төзелеше кодексына һәм «Җир төзелеше” турындагы федераль законга үзгәрешләр кертелде. Шул закон нигезендә территориаль зоналар һәм җирле пунктларның территорияләре җир төзелеше объектларыннан чыгарылдылар.Үзгәрешләр территория чикләре турында бердәм дәүләт реестрына белешмә бирү вакытын кыскарту һәм аны гадиләштерүгә юнәлдерелгән. Моңа кадәр кадастр белешмәсенә үзгәреш кертү өчен документларны дәүләт фондына тапшырырга кирәк булса, хәзер бу эшне башкару кирәк булмый. Шулай ук җир төзелеше документларын төзү һәм аңа дәүләт экспертизасы үткәрү дә мөһим шарт түгел. Моннан тыш, бу обектларның чикләре турында белешмә әзерләүнең яңа тәртибе булдырылды. Хәзер карта(план) әзерләү таләп ителми. Аның урынына чикләрне текст һәм график белән язу каралган. Кызыксындырган сораулар булган очракта 8-843 533-17-80 телефоны аша шалтыратырга мөмкин. Үзгәрешләр 2018 нче елның 11 гыйнварендә үз көченә кергән федераль законда каралган. Әгәр план карта бу вакытка кадәр әзерләнгән булса, барлык мәсьәләләр элеккеге законга нигезләнеп башкарылачак.

22 мартта “Бердәм Россия” иҗтимагый партиясенең кабул итү бүлмәсендә(Район үзәк китапханәсе бинасы) Зәй районы, Чапаева урамы, 1 нче йортта Зәй шәһәре депутаты Ларина Альбина Равил кызы шәхси кабул итү уздыра. Кабул итү 15-16 сәгатькә кадәр була. Алдан язылу өчен телефон 8 (85558)7-30-94.

Башкалабыз Казанда Татарстан Республикасы студентларының VIII конгрессы булды. Әлеге чара «Пирамида» мәдәни-күңел ачу комплексында үтте. Аның эшендә Татарстан Республикасы Президенты Рөстәм Миңнеханов катнашты. Татарстан Республикасы студентлар конгрессы студентларның актуаль проблемалары буенча фикер алышу, үзләрен кызыксындырган сорауларга җавап табу, тәкъдимнәр җиткеру һәм практик ярдәм алу өчен ачык мәйданчык булып тора. Ул ТР Яшьләр эшләре һәм спорт министрлыгы ярдәмендә Татарстан Студентлар лигасы тарафыннан уздырыла. Конгресс эше дүрт секция һәм дүрт түгәрәк өстәл рәвешендә оештырылды: спорт, сәламәт яшәү рәвеше һәм иминлек нигезләре, фән һәм мәгариф, социаль мәсьәләләр, хокукларны яклау, студентларның хокукый белеме, студентлар үзидарәсе, мәдәният һәм иҗат, медиа. Секцияләрдә төрле юнәлешләр тәкъдим ителде. Һәр студент секция һәм түгәрәк өстәл эшендә катнашты. Түгәрәк өстәлләрдә исә урта махсус уку йортларында үзидарә, Татарстанның чит ил студентлары, мәгариф оешмасы кысаларында коррупциягә каршы эшчәнлек, патриотик юнәлеш, яшьләр эшмәкәрлеге кебек мәсьәләләр кузгатылды. Форумда Зәй политехник колледж студентлары – Эльвина Сандимирова, Ангелина Гаффанова, Ярослав Жук һәм Давид Цыганов катнашты.