ЯҢАЛЫКЛАР

Май аеның икенче шимбәсендә агач утырту милли көне билгеләп үтелә. 2014 елның 10 маенда Иске Марин авылында Яшьләр идарәсе хезмәткәрләре «Бердәм Рәсәй яшь гвардиясе», «Кайгырту» хәрәкәте активистлары, укытучылар һәм мәктәп укучылары катнашында «Агач утырту» акциясе үтте. Акция кысаларында, балалар уен мәйданчыгында 40 яшь нарат һәм чыршы үсентесе утыртылды. Агачлар утырту өчен мәктәп һәм йорт яны мәйданчыклары сайланды.

2014 елның 6 маенда Сәвәләй авылында Бөек Ватан сугышына багышланган кече футбол ярышлары узды. Уеннарда укытучы-тренер Слепцов А.Г. кул астында тәрбияләнүче балалар һәм яшьүсмерләр спорт мәктәбенә йөрүчеләр катнашты.

2014 елның 9 маенда шәһәребезнең үзәк урамнары буйлап, Бөек Җиңүнең 69 еллыгына багышланган, традицион җиңел атлетика ярышлары узды.

Бөек Җиңү көнен бәйрәм итү алдыннан, Зәй спорт мәктәбенең йөзү бүлегенә йөрүче кызлар һәм малайлар тыл ветераны Нурия Алтынбаева белән очраштылар. 83 яшендә булуына карамастан, Нурия Алтынбаева сәламәт тормыш рәвеше алып бара, йөзү бассейнына йөрүен дәвам итә. Очрашу вакытында ветеран сугыш чоры һәм тыл хезмәтенең авырлыклары турында тагын бер кат искә төшерде.

Атна дәвамында “Яшьлек” балалар һәм яшьүсмерләр спорт мәктәбендә тәрбияләнүчеләр, Зәй муниципаль районы Сарсаз-Баграж авылы ветераннарының кәберләрендә, чистарту эшләре алып бардылар.

Җиңү көне алдыннан, музей хезмәткәрләре 1 нче мәктәпнең 2 сыйныф укучылары өчен « Туган Зәй , сау бул!»- дигән җәяүле сәяхәт үткәрделәр. Сәяхәт, сугыш елларындагы фаҗигале вакыйгаларны хәтерләткән маршрут буенча оештырылды. Зәй районыннан барлыгы 11600 кеше сугышка китте, 7410 ы үлеп калды яисә хәбәрсез югалды. Зәй военкоматыннан киткән һәр солдат Кызыл армия урамыннан узды.

Җиңү көне иң изге һәм якты бәйрәм. 7 майда 6 сәгатьтә Мирный бистәсендә Җиңү көненә багышланган «Ул бөек еллар алдында баш иябез!»- дигән исем астында бәйрәм концерты үтте. Бәйрәм концерты, Зәй шәһәре хакимият башлыгы урынбасары М.С.Хүҗин котлавы белән башланып китте. Концерт тулысынча хөрмәтле сугыш һәм тыл ветераннарына багышланган иде. Программада Галеева Г.Р.,Демина И.Н.,Валиәхмәтова Р.И.,Селиверстова А.Н., Эльвина Минһаҗева ,”Ивушка”, “Конфетти” һәм “Вдохновение” (“Илһам”) иҗади коллективларының музыкаль номерлары урын алды.

7 майда Бөек Җиңү көне алдыннан, Зәй шәһәре хакимияте башлыгы урынбасары Марсель Салих улы Хүҗин һәм 1 нче урта гомүми белем бирү мәктәбенең 9 «Б» сыйныфы укучылары (сыйныф җитәкчеләре З.С.Габдрахманова) Бөек Ватан сугышы ветераны Василий Петрович Емелин белән очрашуда катнаштылар.

7 майда шәһәребезнең 3 нче урта гомүми белем бирү мәктәбендә Бөек Ватан сугышы ветераны Нина Сергеевна Королеваны якынлашып килүче Җиңү көне белән котладылар. Мәгариф идарәсе башлыгы Гөлчәчәк Галимова озак еллар укытучы булып эшләгән хезмәт ветеранына , Хакимият башлыгы исеменнән, суыткыч һәм кәрәзле телефон алу мөмкинлеге бирә торган бүләк сертификатлары тапшырды.

7 нче майда “Шатлык” халыкка социаль хезмәт күрсәтү үзәгенә Бөек Ватан сугышы һәм хезмәт ветераннарын хөрмәтләү булды. Хакимият башлыгы урынбасары Р.М.Халитов ветераннарыбызны бәйрәм белән котлап, аларга тыныч, имин тормыш теләде, чын күңелдән рәхмәт белдерде.