ЯҢАЛЫКЛАР

“Бердәм Россия” Бөтенроссия сәяси партиясе туган көне уңаеннан “ партия рәисе Д.А.Медведевның өлкәара иҗтимагый кабул итү бүлмәсе оештыруында, 1 нче декабрь көнне Зәйдә гражданнарны Бердәм кабул итү көне үтәчәк.

Зәйдә көз башыннан милли-мәдәни үзәк җитәкчесе Роза Гатауллина җитәкчелегендә “Мавыктыру дөньясы” дигән иҗади проект старт алды. Ул 9 юнәлештә тормышка ашырыла.”Энергетик” Мәдәният сараенда “Кул остасы курчагы” күргәзмәсе үтте инде, хәзер “Чигү дөньясы” күргәзмәсе дәвам итә.

Зәй ГРЭСы «Генерацияләү компаниясе» ААҖ 2014-2015 елларның көзге-кышкы җылыту чорына әзерлекләрен раслаучы паспорт алды. Бу документ станциясенең төп җылыту чорында өзеклекләрсез эшләргә сәләтле, тулы эзерлекле булуын күрсәтә.

Ринат Миннекәев «Татарстан Республикасы буенча Федераль янгын сүндерү хезмәте бүлекчәсе каравыл башлыгының иң оста ярдәмчесе»дигән һөнәри осталык күрсәтү республика бәйгесендә җиңүче булды. Зәйле 16нчы Татарстан Республикасы буенча Федераль янгын сүндерү хезмәте бүлекчәсенең 88 нче янгын куркынычсызлыгы часте каравыл башлыгы ярдәмчесе, өлкән прапорщик.

Зәй районында барлыгы 300000тоннага якын шикәр чөгендере җыеп алынды. Узган ел чөгендерчеләр 410000 тонна уңыш үстереп алган иделәр. Шикәр заводында тамыразыкны эшкәртү дәвам итә, 82000 тоннага якын шикәр комы эшләп чыгарылган инде.

Тырышлык һәм күңел җылысы салынган иң яхшы бүләк кайда әзерләнә? Әлбәттә, балалар бакчасында. Сез Әниләр көненә атап ясаган бүләкләрегезне әледә хәтерлисездер. Открыткалар да кечкенә түгел, ә зур бер картинаны хәтерләтә.

20 нче ноябрьдә «Шатлык»халыкка хезмәтләр күрсәтү үзәгендә Бөтенроссия балаларга юридик ярдәм күрсәтү көнендә физик мөмкинлекләре чикләнгән балаларның әти-әниләре натариус Дания Низамова һәм юристконсульт Надежда Попова белән очраштылар. Алар әниләрне кызыксындырган сорауларга җавап һәм киңәшләрен бирделәр.

2014 елның 21 нче ноябрендә 6 нчы мәктәптә яшьләргә тантаналы төстә , һәр гражданинның төп документы булган «Россия паспорты» тапшырылды.

21 нче ноябрьдә безнең шәһәрдә эшләүче яшьләр арасында «Барс» боулинг клубында боулинг буенча турнир үтте. Барлыгы Зәй муниципаль районы предприятие һәм оешмаларыннан 13 команда катнашты.

21 ноябрьдә Казанда «Төреквидение-2014»II нче халыкара музыка конкурсының финалы тәмамланды. Конкурсның жюри составы карары (анда җырчы Дина Гариповада бар иде) белән якташыбыз Айдар Сөләймановка «Атлар чаба»композициясе өчен икенче урын бирелде. Татарстан Президенты Р.Миңнеханов конкурста катнашучыларны тәбрикләп, «Төрек дөньясы»башкаласы исемле эстафетаны символик төстә Төрекмәнстанның Мары каласына тапшырды.