ЯҢАЛЫКЛАР

Санкт-Петербургта “Виват, Петербург” дип аталган музыка уен коралларында башкару осталыгы буенча I халыкара ачык бәйге узды. Анда Россия төбәкләреннән генә түгел, Кытай, Казахстан, Беларусиядән дә катнашучылар булды

Май бәйрәмнәре районыбыз механизаторлары өчен кызу эш көннәре булды. Язгы чәчү дәвам итә. Быел язгы чәчүгә бер атна соңгарак калып башланды, шуңа күрә чәчүне вакытында тәмамлау өчен барлык материаль- техник чарлар да эшкә җигелде.

Зәй музыка мәктәбе кечкенә балалар арасында талантларны барлау һәм үзләрендә белем алырга җәлеп итү нияте белән балалар бакчаларында тәрбияләнүчеләр өчен очрашулар үткәрә башлады.

13 май көнне шәһәр мәдәният йортында гаилә көненә багышланган мавыктыргыч кызыклы кичә үтте. Кичәне алып баручы балалар белән белем викторинасы үткәрде. Ул арада катнашучылар үзләренең гаиләсе турында рәсем ясадылар.

Язгы чәчүдә Зәй политехник көллиәт студентлары актив катнаша. Миннегаян Шакирзянов фермер хуҗалыгында 6 апрельдән 20 июньгә кадәр 131 машинист-трактористлар әзерләү төркеменнән Владислав Долгов эшли. Эшли башлаган көннән ул тракторга утырып эшли башлады.

Парк-скверлар елы уңаеннан Зәйдә “Космос” яшьләр үзәге белән мәчет арасындагы аралыкта якташ язучы Таҗетдин Ялчыголга хөрмәт йөзеннән Ялчыгол паркы булачак. Бүген әлеге булачак паркта эш башланды.

Районда җәйге чорда бюджет учреждениеләренең кайсысына өстәмә төзекләндерү эшләре үткәрү мөһимлеген ачыклау өчен район башкарма комитеты җитәкчесе Разиф Кәримов, район җитәкчеләре, эшче төркем белән берлектә кайбер объектларда булды.

15 майда Зәйдән ерак китмичә бөтендөнья музейларына сәфәр кылырга булачак. Халыкара музей көненә багышланган әлеге чара үзәк китапханә бинасында булачак. Кыска гына вакыт эчендә Третьяков галереясен, Эрмитажны, Лондондагы балавыздан ясаган фигуралар музее һәм Парижның Лувр музее белән танышырга булачак.

Район басуларында язгы чәчү эшләре бер минутка да тукталмый. 12 майга чәчү барлыгы 30900 гектар мәйданда үткәрелгән. Бу барлык мәйданның 66 проценты. Язгы бодай – 3500, арпа-12200, солы-300, борчак-300, береллык үләннәр-6200, кукуруз-700, шикәр чөгендере-5900 гектарда(70 процент) чәчелде.

7 нче мәктәп автошәһәрчегендә мәктәп укучылары арасында ”Куркынычсыз тәгәрмәч – 2015” муниципаль бәйгесенең йомгаклау этабы үтте. Анда 8 шәһәр мәктәбе командасы һәм Сәвәләй, Югары Лоҗы авыл мәктәпләре командалары велосипедларда хәрәкәт итеп, юл йөрү кагыйдәләрен практикада ни дәрәҗәдә дөрес куллануларын күрсәттеләр.