ЯҢАЛЫКЛАР

24 июнь көнне Үзәк китапханәнең татар бүлегендә, Татар гимназиясенең “Кояшкай” лагере белән берлектә, балалар язучысы Әнәс Каримовның тууына 95 ел тулу уңаеннан “Балаларга бүләк” дип аталган әдәби чара үтте.

Шушы көннәрдә Зәй муниципаль районының “Энергетик”мәдәният йортында өстәл тенисы буенча ачык турнир узды.
Ярыш нәтиҗәләреннән күренгәнчә, үзләренең яшь категорияләре арасында, Гыйльманова Фәния Лотфулла кызы, Воробьев Иван Васильевич,Уразманов Марат Шәүкәт улы, Рунов Андрей Павловичлар җиңүче булды.

Терлекчелек объектларын кышка әзерләүгә зур игътибар бирелә.Өч көн дәвамында( дүшәнбе,җомга һәм шимбә көннәрендә) “Агросила Групп” ЯАҖ генераль директоры, агрофирма җитәкчеләре, төзү оешмалары җитәкчеләре белән берлектә капиталь төзекләндерү һәм реконструкция ясалырга тиеш булган терлекчелек объектлары билгеләнде.

Районда малларга азык-төлек әзерләү кызу темплар белән дәвам итә. 9600 га күпъеллык үлән чабылды,4800 тонна печән һәм 26700 тонна сенаж салынды.
Күпъеллык үләннәрне җыеп бетерүгә, хуҗалыклар беръеллык үләннәрне җыярга керешәләр. Техниканы яңарту программасына нигезләнеп “Нива” ҖЧШ енә яңа азык-төлек әзерләү техникасы кайтарылды.

Зәйдә бүгенге көндә сөт җитештерүдә иң югары күрсәткеч “Зәй шикәре” агрофирмасында. Анда бер сыерга тәүлеклек савым 17,1 килограмм тәшкил итә. “Зәй” агрофирмасында бер сыерга 14 килограмм сөт савалар, көн саен 29 тонна сөт тапшыралар. Район буенча тәүлеклек савым – 75 тонна.

Зәйдә күпкатлы йортларны төзекләндерү программасы уңышлы эшли. Быел программа нигезендә 14 йорт капиталь төзекләндереләчәк. Моның өчен 42 миллион сум акча каралган. Ремонт эшләренә килгәндә, 7 йортның түбәсе ябылачак, 6 йортта – подъездлар, 7сендә фасад ремонтланачак. Шулай ук 9 йортта - салкын су системасын, 7 йортта электр челтәрен алмаштыру каралган.

“Энергетик” мәдәният сараенда медицина хезмәткәрләре көненә багышланган тантаналы кичә булды.
Ак халатлы хезмәткәрләргә район башкарма комитеты җитәкчесе Р.Г. Кәримов үзенең котлауларын җиткерде һәм рәхмәт хатлары белән озак вакыт тугрылыклы хезмәт күрсәткән табибларны бүләкләде.

Зәй районында күпьеллык үләмнәрне беренче кат чабып алып печән әзерләү, сенаж салу тулы куәткә бара. Бүгенге көнгә 3900 тонна печән әзерләнгән, 21500 тонна сенаж салынган. Бу – бер шартлы терлеккә 5,9 центнер азык дигән сүз. Быел барлыгы 67 мең тонна азык әзерләү планлаштырыла