ЯҢАЛЫКЛАР

19 июльдә районда бөртекле культураларны урып-җыю эшләре башланган иде. Бүгенгесе көнгә 1900 гектар көзге культуралар җыеп алынды.5160 тонна ашлык суктырылды. Уңыш гектарыннан 27,2 центнер тәшкил итә. Бөртеклеләрнең 5 проценты җыеп алынды.

Питрәчтә үткән сыер савучылар република бәйгесендә “Зәй шикәре” агрофирмасының “Сәвәләй” бүлекчәсе сыер савучысы Зинаида Ишмәнова үз номинациясендә беренчелекне алды.Аңа кыйммәтле бүләк тапшырдылар.

Элек хәбәр иткәнебезчә безнең якташыбыз Александр Стратонов ТНТ каналының “Танцы” сайлап алу турын үтеп, анда катнашу хокукына ия булды. Александр үзе әйтүе буенча ул проектта инде ун ел катнаша. Инде иптәшләре аңа барсы да таныш һәм алар барсы да бик кызыклы шәхесләр.

22 июль көнне хакимиятнең утырышлар залында шәһәр Советының чираттагы утырышы булды. Анда шәһәребезнең “Иске Зәй” һәм “Воздвиженка” бистәләренең киләчәктә проект нигезендә үсеше мәсьәләләре каралды. Шулай ук депутатлар җир кишәрлекләре белән идарә итү мәсьәләсен карадылар һәм көн тәртибенә куелган сораулар буенча карарлар кабул иттеләр.

22 июльгә 300 гектарда арыш, 1400 гектарда көзге бодай урып җыелган. 900 тонна-арыш, 3700 тонна көзге бодай суктырылып амбарларга кергән.

Иске Зәй бистәсе кубогына минифутбол буенча яшүсмерләр арасында турнир үтте. Анда дүрт команда катнашты. “Динамо”, “СХТ”, “Team-Pro”, “Mercurial” камандалары өч көн дәвамында кубокка ия булу өчен җанын биреп уйнады. Нәтиҗәдә “Динамо” командасы җиңүче булды. “Mercurial” – икенче, “СХТ” өченче урынга лаек дип табылды.

Бүген Зәйнең үзәк китапханәсендә традицион Сөббух Рәфыйков исемендәге премияне агымдагы ел лауреатларына тантаналы төстә тапшыру булды. Районыбызда зур премиягә лаек булган, моңа кадәр инде Россия, Татарстан күләмендәге олы бүләкләр иясе, ТР филология фәннәре докторы, академик Хатыйп Миннегуловка һәм Зәй телевидениесенең татар бүлеге коллективына махсус сертификатларны район башкарма комитеты җитәкчесе Разиф Кәримов тантаналы төстә тапшырды

4 -11 июльдә Сочи шәһәрендә “Иҗат кыясында” исемле халыкара бәйгедә Зәй шәһәреннән “Легенда” бию коллективы катнашты. Әлеге фестиваль 9 тапкыр уздырыла. Бу фестивальдә күпкенә Россия шәһәрләре катнашты.Шулардан Саратов, Рыбинск, Түбән Новгород, Череповец, Мәскәү,Хабаровский һәм башкалар.

21-22 июль көнне “АК Барс Питрәч” Агрофирмасы базасында сыер савучыларның 42 нче республика бәйгесе үткәрелә. Безнең районның данын “Зәй шикәре” агрофирмасы бүлекчәсе сыер саву остасы Ишмянова Зинаида яклаячак.

18-19 июль көннәрендә Аксар һәм Чыбыклы җирлекләрендә футбол буенча “Сәләмәтлек” спорт уеннары кыссаларында үтә торган ярышларның зона уеннары үтте. Беренче көнне уенда 3 команда катнашты: Аксар, Пәнәче һәм Бигеш авыллары җирлекләре командалары. Финалга Аксар һәм Бигеш командалары чыкты.