Зәйлеләр Ураза гаете бәйрәме уңаеннан мәчетләргә күпләп җыелды

5 нче июльдә мөселман халкы изге Ураза гаетен бәйрәм итте. Республиканың 1340 тан артык мәчетендә Ураза гаетенә кагылышлы бәйрәм намазларында якынча 154 меңнән артык кеше катнашкан, дип хәбәр итә татапр информ агентлыгы. Безнең Зәй шәһәре үзәк мәчетендә дә төп бәйрәм чарасы үтте. Иман йортына килеп гает бәйрәмен зурлаучылар бик күп иде. Бәйрәм белән тәбрикләп чыгыш ясаган район башлыгы Разиф Кәримов, имам –мөхтәсиб Сәгыйть хәзрәт Камалов мөрәҗәгатеннән соң барысы бергәләп гает намазын укыдылар. Соңыннан мәчет ишек алдында коймак белән чәй эчәргә теләүчеләргә, плаудан авыз итәргә теләгәннәргә бәйрәм сые оештырылды. Ә сәгать иртәнге 9 да балалар, гомумән төрле гаиләләр өчен гает бәйрәме чарасы үткәрелде.