Музей хәбәрләреннән репортаж. «Яраткан мультгеройлар»

Мультфильм – хәрбер кешенең язмышы һәм тормышы аша үткән бер якты хәтирә. Без барыбыз да мультфильмнарны яратып, карап үстек. Шуңа балалар өчен ул тормыш рәвеше. 9 июньдә шәһәребезнең 3 мәктәбендә мәктәп яны лагерында йөрүчеләр өчен “Яраткан мультгеройлар” исемле викторина үткәрелде. Чара барышында балалар 2 командага бүленделәр- “Куяннар” һәм “Төлкеләр”, аларга 5 бирем бирелде. Һәрбер дөрес җавап өчен команда смайликлар алды. Чара азагында смайликларны санап җиңүчене билгеләделәр. Аларның саны бертигез булды, димәк дуслык җиңде. Чара азагында катнашучылар мультфильм карадылар.