“Шатлыклы бәйрәм”

Балаларны яклау көне ил күләмендә билгеләп үтелә. Бу бәйрәмне тагында ямьләндерү максатыннан туган якны өйрәнү музее хезмәткәрләре Зәй-2 бистәсендә яшәүче балалар өчен музей мәйданчыгында күңелле чара үткәрделәр.Чарада башкарма комитет эшләре белән идарә итүче И.П. Якупова,опека бүлеге башлыгы С.А.Филюшина балаларны тәрбиягә алучы ата-аналарга башкарма комитет җитәкчесенең рәхмәт хатларын тапшырдылар. Музей хезмәткәрләре исә аларга музейга бер ел дәвамында йөрү мөмкинлеге бирә торган музей абонементларын бирделәр. Чара азагында һәрбер катнашучыга истәлекле бүләк тә тапшырылды.