24-25 майда район мәктәпләрендә “Соңгы кыңгырау” бәйрәме узды. Быел районда IX сыйныфны 509 укучы тәмамлый. Алар беренче дәүләт имтиханын 26 майда тапшыра. Ә XI сыйныфны 186 укучы тәмамлый. Быел бу көнне тагын да матур, истәлекле вакыйга итеп хәтердә калдыру максаты куелды. Район җитәкчелеге карары белән чыгарылыш сыйныф укучылары тантаналардан соң “Ялта-Зәй” чаңгы спорты үзәгенә җыела. Биредә яшьләр өчен зур спорт фестивале оештырыла, теләгән кешеләргә «Хезмәткә һәм оборонага әзер!” нормативларын тапшыру мөмкинлеге дә тудырыла.