Муниципаль районнар Зәй муниципаль районы

Зәйдә “Созвездие-Йолдызлык 2016” фестивале старт алды

2016 елның 10 феврале, чәршәмбе

Зәйдә беренче мәртәбә “Созвездие-Йолдызлык” эстрада сәнгате республика телевизион яшьләр фестиваленең муниципаль туры Гала-концерты оештырылды. Берсеннән-берсе талантлы балаларның чыгышларын тамашачылар мул алкышларга күмде. Фестивальнең район туры җиңүчеләрен район башлыгы Разиф Кәримов, Татарстан Президенты каршында мәдәниятне үстерү фонды башкарма директоры Нурия Хашимова, “Созвездие-Йолдызлык” фестиваленең башкарма директоры Наталья Смирнова, республика яшьләр иҗтимагый оешмасы директоры Айдар Гайнетдинов тәбрикләделәр. Ике сәгатьтән артык барган шоу-тамашада үзенчәлекле чыгышлар һәркемне әсир итте. Бәйгенең район турында җиңү яулаган яшь талантлар 5, 6 мартта Сарман районында үтәчәк төбәк турында катнашачак. Энҗе Әгъләмова

"Зәй офыклары" газетасы

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

февраль, 2025 ел

Татарстанда ел башыннан 15 меңнән артык гаилә ана капиталы ярдәмендә торак шартларын яхшыртты

Республикада ел башыннан 15 900 гаилә ана капиталы акчасын торак шартларын яхшыртуга юнәлдергән. 2,4 меңнән гаилә ана капиталы акчасына торак сатып алган, ә 13,5 меңнән гаилә банклардагы кредитларын түләгән. Бу максатлар өчен Татарстан Республикасы СФР Бүлеге 10,3 млрд. сум күчерде.

февраль, 2025 ел

Зәйдә махсус операциядә һәлак булганнарның дәүләт бүләкләре гаиләләренә тапшырылды

Бүген хакимият бинасының зур залында махсус хәрби операция зонасында һәлак булган хәрбиләрнең туганнарына дәүләт бүләкләрен тапшыру тантанасы булды.

Россиянең атказанган тренерлары М.М. Сәхәбетдинов һәм А.Ш. Шәйхетдинов истәлегенә көрәш буенча Бөтенроссия ярышлары узды

28 гыйнвардан 30 гыйнварга кадәр Алабуга шәһәрендә Россиянең атказанган тренерлары М.М. Сәхәбетдинов һәм А.Ш. Шәйхетдинов истәлегенә, ир-атлар һәм хатын-кызлар арасында көрәш буенча Бөтенроссия ярышлары узды.

Чаңгы буенча егетләр һәм кызлар арасында федераль (Идел буе округы) беренчелеге узды

Татарстан Республикасы соңгы 10 елда беренче тапкыр Идел буе федераль округы беренчелегендә чаңгы ярышлары буенча команда зачеты отты. Җиңүгә саллы өлешне Олимпия чемпионы Ф.П. Симашев исемендәге олимпия резервы спорт мәктәбе чаңгычылары Козенкова Софья, Тюленева Кристина, Пылаева Софья, Белякина Арина, Нехаев Данил, Москов Линар кертте. Чаңгы узышлары буенча Идел буе федераль округы беренчелеге 28 гыйнвардан 2 февральгә кадәр 2007-2008 елгы егетләр һәм кызлар (17-18 яшь) арасында “Ялта-Зәй” спорт әзерлеге үзәгендә узды. Ярышларда Россия Федерациясенең 14 субъектыннан 158 спортчы катнашты, шуларның 25е Татарстан Республикасын тәкъдим итте. Узышларның беренче көнендә 10 км дистанциядә ирекле стиль белән Тюленева Кристина 3 урын, Козенкова Софья 5 урын, Белякина Арина 35 урын яулады. 15 км дистанциядә Нехаев Данил 18 урын, Москов Линар 21 урын яулады. Икенче көнне Козенкова Софья 2 урын, Тюленева Кристина 6 урын, Пылаева Софья 29 урын, Белякина Арина 38 урын, Нехаев Данил 8 урын, Москов Линар 12 урын алды. Өченче көнне 5 км дистанциядә классик стиль ярышында Козенкова Софья 4 урын, Тюленева Кристина 15 урын, Пылаева Софья 35 урын, Белякина Арина 45 урын алды. 10 км дистанциядә Нехаев Данил 7 урын, Москов Линар 15 урынга чыкты. Йомгаклау көнендә кызлар һәм егетләр эстафетада ярыштылар. Козенкова Софья, Тюленева Кристина, Нехаев Данил һәм Москов Линар командалар составында эстафета ярышларында "алтын" яулап алдылар һәм очколарын Татарстан Республикасы копилкасына китерделәр.

ЯҢАЛЫКЛАРГА ЯЗЫЛУ