Татарстан Республикасы Дәүләт Советы рәисе Ф.Х. Мөхәммәтшин Зәйдә

- Бүген мин, Зәйнең иң эре предприятияләренең берсе булган- модернизацияләнгән тәгәрмәчләр җитештерү заводын күрдем. Өр-яңа технологияләр кулланыла, роботлаштырылган , кеше хезмәте кулланылмый диярлек . Алдан күрә белүче, немецләрчә. Минем уйлавымча нәтиҗә үзен озак көттермәс, бу шәһәр икътисадының киләчәге, техник үсеше -диде ул. Аннан соң, Фәрит Мөхәммәтшин “Сәламәтлек” мәктәбен рәсми ачу тантанасында булды. Шулай ук , бу тантанада Татарстан республикасы Дәүләт Советы депутатлары Татьяна Воропаева һәм Илшат Әминов, “Челтәрле компания” ААҖ генераль директоры Илшат Фәрдиев, Башкарма комитет җитәкчесе Разиф Кәримов һәм башка дәрәҗәле кунаклар катнашты.
Зәйдә булачак һәрбер очрашу мине чын күңелдән куандыра , чөнки монда һәрвакыт ниндидә булса яңалык күрергә туры килә. Үзгәртеп кору һәм капиталь төзекләндерүдән соң ачылган балалар музыка мәктәбе һәм спорт мәйданчыклары да мине бик куандырды. Зәй районында социаль мәсьәләләргә аеруча игътибар итүләре барыбызга да билгеле инде. “Сәламәтлек мәктәбе” төзекләндерелеп ачылуга да мин бик шатмын. Шулай атаганнар икән, димәк анда киләчәк буынның сәламәтлеген кайгырту буенча зәйлеләр күп эшләрләр, мин моңа чын күңелдән ышанам! Изге юлга, яңа мәктәп!
Соңыннан Дәүләт Советы рәисе Фәрит Мөхәммәтшин район Советының отчет җыелышында катнашты.