Зәйдә узды

Татарстанда "Ел тәрбиячесе-2014" бәйгесенең төбәк этаплары старт алды. Аның бер өлеше ике көн дәвамында безнең "Уймак кыз" балалар бакчасында бик җанлы үтте. Бәйгедә Мамадыш, Түбән Кама, Сарман, Алабуга, Зәй районнары балалар бакчаларыннан 15 тәрбияче көч сынашты. Алар үз-үзләрен тәкъдим итү, эш методларын яклау, балалар белән 15 минутлык шөгыльләр үткәрү, эссе язуда ярышты. Район данын "Күкчәчәк"тән Олеся Спиридонова, "Аленка"дан Гөлнара Зәйдуллина, "Якты коңгыз"дан Марина Дмитриева яклады. Кызларыбыз өчесе дә үз хезмәтләренә бирелгән булуларын, балалар тәрбияләүдә нәтиҗәле эш алымнары куллануларын күрсәтте. Нәтиҗә республика күләмендә барлык этапларны карап чыккач ясалачак.