Зәйдә спорт эше – тиешле югарылыкта

Бүген “Космос” яшьләр үзәгендә физкультура, спорт һәм туризм идарәсенең кече коллегия утырышы үтте. Анда идарәнең республика күләмендә иң яхшылар рәтендә булуы билгеләп үтелде. 2013 ел нәтиҗәләре буенча Зәй спортчылары күптөрле ярышларда катнашып, уңышлы чыгыш ясадылар. Агымдагы елда да шул рухта эшләү планлаштырыла. Район башкарма комитеты җитәкчесе Айрат Бариев зәйлеләрне спортка тагын да ныграк тарту максатында быел да күптөрле мөмкинлекләр булдырылачагы турында әйтте. 2014 елда шәһәр микрорайоннарында тагын 4 спорт мәйданчыгы сафка басачак. Аларны Иске Зәй бистәсендә 1нче мәктәп, Мирный бистәсендә 5нче мәктәп, “Яшьлек» боз сарае, политехник колледж янында булдыру күздә тотыла. Шулай ук шәһәрдә стадион төзү өчен проект каралу алдында.