Коллективка рәхмәт белдерде

Кичә “Зәй икмәк кабул итү предприятиесе” АҖендә 2013 ел эшчәнлегенә нәтиҗә ясау, 2014 елга бурычлар билгеләү буенча хисап җыелышы булды. Аның эшендә район башлыгы Татьяна Воропаева катнашты.
Предприятиенең башкарма директоры Рафис Фәрдиев оешманың узган елгы эшчәнлеге турында сөйләде, аның чыгышын баш белгечләр тулыландырды.
Акционерлык җәмгыяте генераль директоры Рифгать Фәрдиев бу көннәрдә 65 яшьлек юбилеен билгеләп үтте. Район башлыгы, аны кайнар котлап, күпьеллык намуслы хөрмәте, авыл хуҗалыгы үсешенә керткән өлеше өчен район башлыгы Рәхмәт хаты тапшырды.
Татьяна Воропаева хезмәт коллективына да рәхмәт белдерде, чыгышында узган ел районда башкарылган эшләрне анализлады, социаль-икътисади үсеш мәсьәләләрен яктыртты.