«Чиста балалар бакчасы» экологик акциясе

"Кояшкай" балалар бакчасында «Чиста балалар бакчасы» дигән экологик акция узды. Акциянең максаты-балалар бакчасында әйләнә-тирә мохитнең чисталыгы проблемасына балаларның игътибарын җәлеп итү, экологик культураны һәм актив тормыш позициясен күтәрү, балаларның хезмәт һәм коммуникатив күнекмәләрен үстерү, кече Ватанга мәхәббәт һәм табигатькә җаваплы мөнәсәбәт тәрбияләү. Акция балалар арасында әйбәт экологик пропаганда булып тора, бу балаларга чисталык һәм экологияне өйрәнү кечкенәдән башлануын күрсәтә, үз мәйданчыгыңны җыештыру мөмкинлеге бирә. Балалар дәрт һәм энтузиазм белән өлкәннәргә мәйданчыкларны тәртипкә китерергә ярдәм иттеләр.