Эколяталар көне

Бөтенроссия Эколяталар көне кысаларында «Якты коңгыз» балалар бакчасында бик күп төрле кызыклы чаралар үткәрелде. «Җир планетасы - уртак йортыбыз» акциясен бергә үткәрү өчен кечкенәләр төркеменә йөрүче балалар мәктәпкә әзерлек төркемендәге өлкән дусларына кунакка килделәр. «Алдынгылар хәрәкәте» пилот төркеме балалары сабыйларга Җир планетасы турында сөйләделәр. Алар планета макеты - глобус белән таныштылар һәм бергәләп «Җир - безнең уртак йортыбыз» плакатын ясадылар. Акция ахырында «экоучлар» ябыштырдылар. Бу вакыйга балаларны яшь табигать сакчылары итеп кабул итүнең үзенчәлекле йоласына әверелде. Балалар бакчасында мәктәпкәчә яшьтәге балаларны экологик тәрбияләү - әйләнә - тирә мохиткә уңай мөнәсәбәт формалаштыруга, табигатьне яратырга, сакларга һәм табигый байлыклардан сакчыл файдаланырга өйрәтүгә юнәлтелгән.