"Китап-беренче биттән башланып, укучы белән мәңгегә кала торган тылсым ул"

7 апрель көнне китапханә хезмәткәрләре 2нче мәктәпнең 7нче сыйныф укучылары өчен «Балалар китабы атналыгы»на багышланган чара үткәрделәр. Уку залы китап битләре кыштырдавы һәм шатлыклы авазлардан яңгырап торды. Укучылар бәйрәм тарихы белән таныштылар: алар күп еллар элек бу күркәм традициянең тууын белделәр, ул безгә балачакны китапсыз күз алдына да китереп булмауны искәртеп тора. Ләкин иң гаҗәбе алда көткән иде. Китап битләреннән төшкәндәй, балалар каршына төлке Алиса белән мәче Базилио килеп чыкты. Алар хәйләләп тормадылар, күңелле уен тәкъдим иттеләр: табышмаклар әйттеләр, тапкырлыкларын тикшерделәр һәм иң тапкырларны алкышлар белән бүләкләделәр. Легендар персонажлар балаларның әкият дөньясын белүләрен тикшерде, балалар китап һәм персонажларның исемнәрен әйтергә тиеш иде, Алисә һәм мәче Базилио әкиятләрдән әйберләр дә алып килгәннәр, алар буенча нинди әкиятләрдән алынганнарын билгеләргә кирәк булды. Балалар барча биремнәрне бик яхшы үтәделәр, һәм көн барысына да тагын бер тапкыр инде билгеле хакыйкатьне искәртте: китап-беренче биттән башланып, укучы белән мәңгегә кала торган тылсым ул.