Зәйдә «Чаңгы юлы чакыра» хәйрия акциясе узды
Зәй шәһәренең урман массивында ел саен уздырыла торган «Чаңгы юлы чакыра» ведомствоара хәйрия чарасы уздырылды. «Радость» халыкка социаль хезмәт күрсәтү комплекслы үзәге белгечләре, физик культура һәм спорт идарәсе, яшьләр эшләре идарәсе белән берлектә, балигъ булмаган хезмәт алучыларга чаңгыда йөрү бүләк иттеләр. Әлеге чараның максаты-балаларның аралашу өлкәсен киңәйтү, балигъ булмаганнарның тренер һөнәре буенча белемнәрен үзләштерү, балаларның сәламәт яшәү рәвешен формалаштыру. Чара программасына чаңгыда шуу, чаңгы ярышлары буенча Олимпия чемпионы Федор Петрович Симашев исемендәге спорт резервы мәктәбенә сәяхәт, тренер-укытучы һөнәре белән танышу кертелгән иде. Чара шәһәрнең урман массивындагы чаңгы базасында булудан башланды. Балаларны чаңгы базасы бинасы, чаңгыда шуу куркынычсызлыгы кагыйдәләре, чаңгычыларның җиһазлары, яктыртылган трасса схемасы белән таныштырдылар. Һәр бала чаңгы трассасына чаңгы җайланмасында чыкты. Тәҗрибәле тренер балаларга чаңгыда йөрү күнекмәләре турында сөйләде, алар теорияне практикада ныгыттылар - яктыртылган трасса буйлап 1 чакрым йөгерделәр. Күңел ачу тәмамланганнан соң, катнашучылар спорт мәктәбе бинасына җыелдылар, анда алар шәһәрдә һәм районда чаңгы спорты үсеше тарихы, өйрәнү шартлары, чаңгы мәктәбенең тренерлар составы, чаңгычы - узышчыларның кышкы һәм җәйге инвентарьлары, спорт белән шөгыльләнү өчен заллар һәм тренажер бүлмәләре белән таныштылар. Методист балаларга якташыбыз Олимпия чемпионы Федор Петрович Симашевның тормышы һәм эшчәнлеге, безнең чаңгычыларның Бөтенроссия һәм Республика ярышларында җиңүләре турында сөйләде. Балаларга профессияне кайда алырга, моның өчен нәрсә кирәк- булуы хакында аңлатты. Чаңгы спорты - массакүләм, мавыктыргыч һәм һәркем файдалана алырлык спорт төрләренең берсе. Саф һавада, матур туган җирдә актив ял малайлар һәм кызларның күңелендә озакка истә калыр. Чаңгы узышлары белән шөгыльләнергә теләүче балалар булачак тренировка - өйрәнүләргә чакырылды.