Район башлыгы Р.Г. Кәримовның 8 Март - Халыкара хатын-кызлар көне белән котлавы

Хөрмәтле зәйлеләр! Кадерле хатын-кызлар, әниләр, әбиләр, апалар, сеңелләр! Сезне ихлас күңелдән язның беренче бәйрәме - 8 Март - Халыкара хатын-кызлар көне белән тәбрик итәм! Хатын-кыз булу – бөек миссия. Сез дөньяга яңа тормыш бүләк итәсез, гаилә учагын саклыйсыз, шатлык, гармония һәм тынычлык алып киләсез. Сезнең җан җылыгыз, зирәклегегез һәм башкаларны аңлый белүегез якыннарыгызны бәхетле итә. Сез – ир-атларның илһамландыручы көче, ышанычлы терәге һәм аларның төп таянычы. Муниципаль районыбыз хатын-кызлары эш урыннарында да, өйдә дә бердәй уңганнар, хезмәт эшчәнлегенең барлык өлкәләрендә дә үз вазифаларын югары профессиональ дәрәҗәдә башкаралар, яхшы нәтиҗәләргә ирешәләр. Хезмәт сөючәнлегегез, зирәк үгет- нәсыйхәтләрегез, төпле киңәшләрегез, гаилә учагы җылысы өчен сезгә зур рәхмәтемне белдерәм. Бу көнне аерым рәхмәт сүзләрен алгы сызыкта хәрби бурычларын намус белән үтәүче, Ватанны саклаучы якташларыбызның тормыш иптәшләренә һәм әниләренә юллыйм. Алар - сезнең өчен, туганнарыгыз һәм якыннарыгыз өчен генә түгел, ә бөтен районыбыз халкы өчен - каһарманнар! Илебез азатлыгын саклаучыларга маскировка челтәрләре үрүче, җылы оекбашлар бәйләүче, киемнәр тегүче, коры ашлар һәм витаминлы чәйләр әзерләүче хатын-кызларыбызны да аерым билгеләп үтәсем килә. Игелекле эшләрегез, күңел җылыгыз, дөньяны мәрхәмәтлерәк итә белүегез һәм ир-атларны кыю гамәлләргә рухландыруыгыз өчен рәхмәт сезгә! Барыгызга да ныклы сәламәтлек, иминлек, иң яшерен теләкләрегезнең чынга ашуын һәм күгебезнең һәрчак аяз булуын телим. Сезнең тормышыгыз да, якынлашып килүче яз кебек, һәрвакыт кояшлы, имин һәм матур булсын! Һәркайсыгыз якыннарыгыз һәм туганнарыгызның мәхәббәтен, хөрмәтен һәм кайгыртуын тоеп яшәсен!