Зәй районы командасы Татарстан муниципаль хезмәткәрләре спартакиадасында җиңү яулады

Бүген Яшел Үзәндә Татарстан Республикасы муниципаль хезмәткәрләре спартакиадасы кысаларында чаңгы ярышлары узды. Ярыш йомгаклары буенча беренче урынны Зәй районы командасы яулады. Ярышларның көмеш призеры - Азнакайдан килгән команда, ә өченче урынга Казан вәкилләре лаек булды. Шәхси зачетта район башлыгы урынбасары Петр Уразайкин аерым танылды, ул икенче урынны яулады. Безнең команда составында шулай ук Чыбыклы авылы җирлеге башлыгы Илфат Гадершин, район башлыгының коррупциягә каршы көрәш буенча ярдәмчесе Татьяна Токмакова һәм муниципаль заказ бүлеге башлыгы урынбасары Гөлнара Вәлиева да бар иде. Зәй спортчыларын котлыйбыз!