Район клиентлар хезмәтендә бәйрәм чарасы узды
4 мартта Зәй районы клиентлар хезмәтенең өлкән буын аралашу үзәгендә җирле СПР әгъзалары катнашында хатын-кызлар бәйрәме белән котлау булды. Якынлашып килүче бәйрәм белән барлык катнашучыларны Клент хезмәте җитәкчесе Лилия Камалюкова котлады, аларга ныклы сәламәтлек, озын гомер, язгы кәеф һәм рухи күтәренке рухлар теләде, оныкларын, үсеп килүче буынны тәрбияләүгә керткән зур өлешләрен билгеләп үтте.
Өлкән буын аралашу үзәгенә килүчеләрне котларга беренчеләрдән булып хәрәкәт активистлары- Зәй 9 нчы урта мәктәбе укучылары килде, балалар өлкәннәрнең һәркайсына үз куллары белән ясалган открытка тапшырдылар. Хатын-кызлар өчен артистлар чыгыш ясады: Федор Куликов мәхәббәт һәм яз турындагы лирик җырлары белән сөендерде. Виктор Анискин һәм Сергей Онищенко дуэты тамашачыларны тагын да гаҗәпләндерде.
Бәйрәмнең кульминациясе "Ягез әле әбиләр" конкурсы булды. Чарада катнашучылар күңелле биремнәрдә рәхәтләнеп көч сынаштылар: табышмакларга җаваплар чиштеләр, курчакларны бәйләделәр, эчке киемнәрне элделәр һәм әлбәттә, җырлар да җырладылар.
Уздырылган чара-буыннар арасында багланышларны саклап калуның һәм өлкән буын өчен җылы бәйрәм рухы тудыруның бик яхшы үрнәге булды.