М.В. Данилов истәлегенә багышланган ирекле көрәш буенча ачык республика турниры уза
Бүген "Старт" спорт-сәламәтләндерү комплексында "Зәй" спорт мәктәбе тренер-укытучысы Михаил Владимирович Данилов истәлегенә багышланган ирекле көрәш буенча ачык республика турниры уза. Ярышлар бишенче тапкыр уздырыла һәм анда Татарстан Республикасы муниципаль районнарының һәм Россия Федерациясе төбәкләренең 15 командасыннан 200 гә якын спортчы: Зәй муниципаль районы, Әлмәт муниципаль районы, Мамадыш муниципаль районы, Түбән Кама муниципаль районы, Ютазы муниципаль районы, Чаллы шәһәре, Казан, Оренбург өлкәсе, Пермь крае, Самара өлкәсе, Удмуртия Республикасы, Ульяновск өлкәсе, Чуваш республикасы һәм башкалар бар иде. Ачылу тантанасында район башлыгы урынбасары Уразайкин Петр Сергеевич, район Башкарма комитеты җитәкчесе урынбасары Камалова Регина Николаевна, физик культура, спорт һәм туризм идарәсе җитәкчесе Тимеркаева Илзирә Габделбәр кызы, Михаил Даниловның хатыны Валентина Александровна, кызы Эльвира Михайловна, «Зәй» спорт мәктәбе директоры Рамил Фәнис улы Фаршатов, спорт ветераннары һәм турнир иганәчеләре катнаша.
Турнирда катнашучыларны район башлыгы Р.Г.Кәримов исеменнән, аның урынбасары Петр Сергеевич котлады. Ул билгеләп үткәнчә, районда спортның төрле төрләрен үстерү буенча бик зур эш алып барыла, муниципаль, республика һәм бөтенроссия дәрәҗәсендәге ярышлар үткәрелә, бу яшьләрне тәрбияләүдә аерым роль генә түгел, ә районда туган иң яхшы тренерларның һәм спортчыларның осталыгын мәңгеләштерү өчен үрнәк булып, шулай ук спорт бәйрәмнәрен берләштерүче бәйрәм булып тора. Шулай ук, Петр Уразайкин ярышта катнашучыларның барысына да рәхмәт белдерде һәм келәмдә уңышлар теләде.